Belsy Khan  venc la selezion dl Grand Prix te Südtirol

Con gran sorpreisa y marevueia per duc á en vender seira davagné la joena de Selva Belsy Khan, 18 agn, con la ciantia "Heimat ensteht" la preselezion per l Grand Prix te Südtirol. Davagné ála autafora con 12.103 oujes sun endut 49.218 votadours che á dé ju sia ousc tres telefon (Ted-voting). La preselezion é vegnuda tegnida tl Kursaal a Maran. Chesta selezion vel sciche cherta d'entreda per la finala dl Grand Prix che vegnirá tegnida ai 6 de setember a Rust dlongia Freiburg di Paisc Todesc. Belsy é vegnuda acompagneda musicalmenter dal Cor Saslonch. I autri grups che se á cualifiché é stés "Vincent & Fernando", i "Südtiroler Spitzbuam" y i "Original Südtiroler Musikanten".  Na lauda a Belsy y dut l bon per la finala. Do "Die Ladiner" en l ann passé endň na ousc da  Gherdeina sunsom.

Belsy Khan é nasciuda ai 23.12.1984 tla India y é vegnuda adoteda a l'eté de 1 n ann da Erika y Raimund Demetz de Selva che ti á dé n daciasa nuef tles Dolomites. Tost se n'á i genitours anadé dla pascion y dl amour de Belsy per la mujiga y l cianté y á sostegní chest talent. Bele con 7 agn ála tout pert al "Zecchino d´Oro", dapň ála cianté pera tl "Cor di Mutons" de Selva y sun la CD "Bon Nadel" ňven per l prum iade podú audí sia ousc. Dl 2002 ála tout su sia pruma CD dal titul "Alles was von Herzen kommt", con cianties danter mujiga populara y balades mujeles. Produtour: Luis Stuflesser. De jugn dl 2002 pruma gran raprejentazion en gaujion dl Open Air di "Kastelruther Spatzen" a Ciastel dant passa 7000 spetadours. Dl 2000 éla ence vegnuda liteda "Miss Exon Girl" Südtirol. Belsy Khan rejona 5 lingac y frecuenteia atualmenter la scola turistica "Kaiserhof" a Maran. La ciantia "Heimat entsteht" metuda adum per chesta ocajion é per cie che reverda les paroles de Heiner Graf y  de Marco Diana per la mujiga.

Sun sia homepage www.belsy.it giateise deplů fotos y al é ence la poscibelté de lascé scrit n messaje.

Email: Gherdeina ( BZ )