En venders tl salf de raprejentanza dl Consei a Bulsan
Data: 14 May 2003 da les 17:51:42
Tema: Cultura


 

Prejentazion dla revista "Pogrom" sot l patronade dl Consei Regional

Dodoman, en venders, ai 16 de mei, dales 10.30 vegnirál prejenté tl salf de raprejentanza dl Consei a Balsan str. Crispi 6 la revista "Pogrom", si fins y sie carater. La manifestazion é sot l patronade dl President y dl vizepresident dl Consei Regional, respetivamenter Franz Pahl y Carlo Willeit. La revista vegnirá prejenteda dai colaboradours dla revista enstesc, dantfora Mateo Taibon y Karl Hinterwaldner. La revista "Pogrom" dla Lia per popui manacés, conesciuda dantaldut ti Paisc Todesc, se dá ju con mendranzes y etnies de dut l mond. Con Mateo Taibon, originar de La Pli de Mareo, á la revista per l prum iade n redadour ladin a cef.



Al vegnirá prejenté l'ativité dl grup y dla revista che acompagneia l laour dla Lia per i popui manacés dal 1970 encá.





L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=247