La Generela tol posizion sun les esternazions de Konrad Piazza
Data: 27 July 2009 da les 15:44:00
Tema: Scola



Les paroles de Konrad Piazza: fauzes y tendenziouses

Per Piazza fova les unions di ladins "demé n fatour de desturb"pro les tratatives sun la scola a la fin di agn '40 - Touta de posizion dla Generela tres sie vize, Marco Pizzinini

Ai 23 de messel él vegnů fora sun la "Tageszeitung", foliet dal dě todesch te Sudtirol, n articul te chel che l vedl ombolt de Urtijei, Konrad Piazza, se tol a dě publicamenter che entratant les discuscions sun cie model de scola introduje tles valedes ladines ti agn do la vera fova les unions di ladins "demé n fatour de desturb". Sun chesta esternazion tol sen ofizialmenter posizion Marco Pizzinini te sia enciaria da vize-president dla Union Generela. Al definesc les paroles de Piazza  fauzes y tendenziouses. Sun l svilup dla scola ladina ŕ l Ofize scola y cultura ladina dla provinzia de Bulsan dé fora n liber "Aspec storics dla scola ladina te Sudtirol". La fontana plu reguda é endere zenzauter l liber "Ein Leben und eine Schule/Una vita, una scuola" dl vedl intendent Franz Vittur che ŕ vivů tres de persona dutes les entravegnudes entourn a la scola ladina. Marco Pizzinini, vize-president dla Generela.



Touta de posizion
L temp de encuei é caraterisé da la globalisazion olŕche al sarŕ entres plu emportant da emparé deplů lingac. Al vegn rejoné truep de imerscion y trueps esperc y ence raprejentanc politics veid tl sistem paritetich dla scola ladina n ejempl che jissa ben per dut Südtirol. Tles valedes ladines él ultimamenter vegnů fora na gran polemica anter raprejentanc de pensiers politics desvalifs che strita chi che dess avei i meric per avei metů su la scola ladina atira do la Seconda Vera.
I ladins fova enlaouta (ma en pert dutaorela) despartis anter chi che se sentiva plu todesc o plu talians. Al fova vegnů fora na discuscion longia y sfadiousa sun cie model de scola, talian o todesch che fossa sté plu ideal per i scolés de nostes valedes. Chi che ova l cuer che batova todesch volova na scola todescia y chi che ti vola plu ben al “tricolore” l essa voluda plu taliana. Nost lingaz y nosta cultura fova conscidrés da trueps, ence da jent y personalités de nostes valedes, na cossa de puech valour.
La scola ladina é steda a la fin n compromis anter chestes does fazions arjont per la bria y l coraje de puec idealisc'. A chi che al ti vŕ i meric per chesta soluzion é dessegur demé chi raprejentanc dl sistem scolastich che pň dé na resposta obietiva, chi che fova prejenc a chestes discuscions. Mo duc sŕ che a chest model, da trueps dassen descredité, ti ova abů souradut ence na pert la jent ladina die alalongia puecia creta. Trueps genitours metova si mutons foradecŕ a studíe souradut per emparé miec l todesch.
L model paritetich, che ti dŕ plu lerch ai autri lingac, deida amplié l orizont cultural ai scolés. Per dut cie che é vegnů arjont te duc chisc agn ti vŕ n gran dilan y reconesciment nia demé ai raprejentanc politics, ma souradut a duc i maestri y diretours che ŕ enfin a dal prum moment sostegně y che se ŕ de da fé per la scora ladina, gonot con de gran dificoltés.
Les critiches che la Union Generela essa ostacolé la istituzion dla scola ladina é daldut fauzes, tendenziouses y desmostra che al é la volonté clera da destorje la verité storica y da descredité les Unions di Ladins dla Val Badia y de Gherdeina da n temp, souradut, sce an pensa che la UGDL é vegnuda costituida tla forma da sen empermň do chestes entravegnudes.
Perchel fňssel dret che duc i nemisc da n temp y sen sostegnidours dla scola ladina fajessa n pice ejam de coscienza zenza se scarzé la musa sun meric o colpes che ne ŕ deguna fondamenta. Chestes discuscions a bon priesc é demé demagogia de porsones de pert, adorbedes da meses verités politiches, che vuel tré ega pro sie mulin.

Marco Pizzinini
Vizepresident dla UGLD







L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=1797