Joufs dolomitans: n tunel sot Frera, la soluzion
Data: 25 July 2009 da les 15:19:43
Tema: Politica



N tunel sot Frera: n projet daldut realistich, sce an vuel

N tunel sot Frera fossa apresciapuech 5 km lonch y costassa 70 milions de euro, nia na soma fora de mesura

Co che al é oramai da ca. 35 / 40 agn, é i comuns de Gherdeina for ciamň te na comunité o comprensore de val coche an vuel dě, olŕ che ai ne auda perdret nia. Cie ŕ pa da en fé Gherdeina con Sarnthein, Mölten ,Jenesien, Tiersc o Karneid, Deutschnofen o Fié?
Ti agn 1965/70 él vegnů metů su les „Talgemeinschaften“ (comprensores de valeda) te Südtirol. Do mia minonga fňssel sté plu che logich da mete adum Gherdeina y Badia (sciche Fascia con Moena), ma chest ne ŕ la politica dla SVP a Bulsan y te Gherdeina, nia volů. Samben che deberieda fňsseles stedes chestes does valedes economicamenter y politicamenter true massa stersces, perchel ne ŕ la SVP a Bulsan nience tout en consciderazion chest. Georg Moroder, conseier de comun a Urtijei. Da l'autra pert: entratant i laours pro i tuniei tla Val Badia, endut 3,5 km lonc.
 

Image Hosting by PictureTrail.com

Plu sovenz él vegnů rejoné tl comun de Urtijei de mete adum i Ladins tla medema comunité de val, ma for él sté i ombolc dla SVP de Gherdeina che ne ŕ nia batů na brocia per fé n tel vare.
Ei stŕ plu gen con i todesc di luesc che é defin folestiers a nos de Gherdeina che jě deberieda con i badioc. Aldidancuei végnel ben tant rejoné di ladins y de sia rejoneda, di problems per l souravive de nosta mendranza , ma l vare plu emportant che fossa sté da dé per arjonje chest, ne vegn nia dé.

Ciun fossa pa chest vare:
L vare da dé per avei n majer contat anter les does valedes ladines é ben chel de avei na bona comunicazion con la jent y anter la jent. Demé sce i stajon plu adum saronse bogn de salvé nostes particolarités che nes desfrenzieia dai autri , va ben ben che i son tiroleisc, ma dantaldut é la populazion entourn al Sela (Meisules) de etnia retoromana-ladina; popolazions che fova te nosta valedes die dant i tiroleisc o i Habsburgh, perchel toconse dantaldut adum con i badioc y nia con i todesc.

Ma ruvon al problem de encuei:
I son oramai tant inant che per gauja dl gran trafich de auti mess i luesc de Gherdeina se fé zirconvalazions per passé via i luesc, a scomencé da Urtijei per fině te Selva, ala ne pň nia jě inant ciamň per 20 o deplů agn con for plu y plu trafich sun i stradons:
Santa Cristina é do a ruvé con i laours, Selva messarŕ vegně do, y a Urtijei pénsen ence do co deslié chest problem.a valch maniera. Bon spo, co fňssel pa, can che i son passés via chisc trei luesc, te Plan, furné te n tunel y vegně fora a Colfosch? La idea de fé n tunel ova bele abů Oskar Prinoth dant plu de 20 agn ma degugn ne ti ova dé arta.
Al fossa n tunel de ca. 5 km de lungheza. An sŕ che n tunel costa ca.14 milions de euro al km, perchel vegněssel a costé zirca 70 milions de euro. Chesta soma ne é nia picera, ma sce i penson che per Bula con si 140 abitanc, él vegnů fat n tunel che costa ades 10 milions de euro, ne messéssel nia ester n problem de abiné ca 70 milions de euro per mete adum na popolazion de 17-18000 persones con ca 3,5 milions o passa de prejenzes de turisc' al ann.
Degunes autres valedes de nosta provinzia ne porta tant de richeza a les casses de nosta Provinzia, al basta medré pensé che l 90% de dutes les coutes diretes y indiretes paiedes ite da la jent de Gherdeina y Badia al stat ruva derevers a la provinzia de Bulsan.
Dantaldut se trŕtel de avei la bona volonté da pert dla provinzia per fé n tel laour. Al ne é nia die ca che la provinzia de Bulsan ova fat na streda nueva con trei tuniei bendebot lonc per i doi luesc de Laurein y Proveis olŕche al viv jent de rejoneda todescia, ma che fova demé da arjonje tres l Trentin, chilň él desegur vegnů spenů y vegn ciamň spenus n grumon de scioldi per gauja dl terac tender (un n tunel é 1900 m lonch).
Chesta soluzion é ence demé steda politica, vigni autra soluzion essa costé na strambaria demanco. Laurein y Proveis éssen podů arjonje saurě fajan na streda nueva dal jouf de Mendola permez (dut da pert da soredl y puecia neif d'invern) y ciamň de n zaron plu curta per ruvé a Bulsan.
Savan che n tel laour ne pň nia vegně realisé da encuei a endoman, bastéssel che la Provinzia metessa su na pert 10 milions de euro al ann, do 7 agn éssen i scioldi che vŕ debujegn. Enfin a che duc i projec y les lizenzes é a post per scomencé n tel laour passŕssel desegur via 5/6 agn.
I son segur che n tel laour fossa la mioura cossa che an podessa fé per garantě la souravivenza dla mendranza ladina. Al basta pensé tant puech contat che al fova anter Gherdeina y Badia ciamň dant y do la seconda vera mondiala. Permň con na mioura comunicazion, dantaldut tres l mesun auto, ma dessegur ence aldida encuei con i schi, él vegnů porté pro a se conesce miec y a nes capě deplů. Sen vŕla bele miec, ma con n tunel jěssela ciamň scialdi miec y tl medem moment desliŕssen l problem dl gran trafich di auti sun l jouf de Frera. Chi che volessa spo furné sun l jouf per se gode l bel panorama, podéssen pona ence fé paié zeche.
Con chisc pensiers volessi daurě danuef na discuscion tla popolazion sun la problematica. Ie rate che al paia la fadia de se fé n pensier lessů. Duc chi che pensa che chesta idea fossa da porté inant, priassi bel de dě sia minonga tla Usc di Ladins o sun Noeles.net.
Moroder Georg







L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=1796