13 de dezember: reunion generala dl Istitut Ladin
Data: 10 December 2008 da les 18:08:48
Tema: Fascia



Reunion Generala dl Istitut Ladin Majon di Fascegn

En sabeda, ai 13 de dezember, da les 17.00 tla senta dl Istitut con a la pert ence l president dla provinzia de Trent Lorenzo Dellai - CALENDER LADIN 2009

Image Hosting by PictureTrail.comEn sabeda, da les 17.00 domesdì, vegniràl tegnù tl salf dl Istitut Ladin MdF a Vich de Fascia la radunanza generala clameda ite dal consei de aministrazion y da la comiscion culturala. Al é per l istitut l majer moment entratant l ann. Sclujan ju l ann 2008, vàl defat, adum con la legislatura politica ence a piz l mandat dl consei y perchel se tràtel de na ocajion de tré nia demé n bilanz dl ann, ma de duc i 5 agn de ativité y de laours portés inant per l davegnì. Al sarà n moment de verifica, de confront y de programazion, davert a dutes les oujes y a dutes les minonghes. Al se tratarà de envié via na fasa nueva de laour, en colaborazion con la provinzia autonoma de Trent, la scola, i comuns y les autres istituzions locales. Te chesta ocajion végnel ence adalerch l president dla provinzia autonoma de Trent, Lorenzo Dellai, con chel che al gnirà partì deberieda reflescions, idees y propostes.



Plu inant vegniràl - anterauter - prejenté les ultimes publicazions dl’Istitut y partì fora l fora l Calander Ladin 2009, stampé ence chest ann tres l sostegn dles Cooperatives de Fascia. En chel dì, podarà duc chi che tolarà pert vijité debant l Museo da les 15.00 a les 19.00, olache sarà da vedei l enconciament nuef dla sezion "Les conties de tradizion: l Salvan, l Malan, i Resc Sanc.”
Apede chest, é les publicazions dl’Istitut a la leta a n priesc arbassé.






L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=1748