Lista Ladins y Jent Ladina Dolomites deberieda con una na lista
Data: 04 June 2008 da les 19:08:12
Tema: Politica



"Jent Ladina Dolomites" y "MPL Ladins" deberieda, ma autonoms

Enseira se ésen vegnus de mete entrami i simboi desche merscia tl simbol de lista

La dezijion é tomeda enseira pro na enconteda clef a Urtijei. L MP Ladins y Jent Ladina Dolomites (JLD) jirà deberieda a les lites provinziales per l consei de Bulsan, ma con doi simboi y doi candidac a cef, Pepi Dejaco, ombolt da San Martin, per JLD y Ulrica Goller, conseiera di Ladins tl comun de Urtijei, per l MP Ladins. Les pesimes fova tl meteman da entrames les pertes granes. Duc à endere vedù ite che jì despartis smendrissa les poscibeltés de suzes per entramesdoes les forzes. Do che an se é vegnus te chesta chestion fondamentala él sen da laoré fora n program y da chirì i candidac da mete sun lista. Al se trata de n coliament lital, ma les does forzes resta autonomes per cie che reverda simboi y candidac.



Doi candidac é naouta bele segurs: Pepi Dejaco (JLD) y Ulrica Goller (Ladins).
Liam a la plata de Jent Ladina Dolomites: Jent Ladina Dolomites (JLD)
Liam a la plata dl Moviment Politich Ladins: Moviment Politich Ladins





L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=1690