Istitut ladin Cesa de Jan
Data: 19 November 2007 da les 19:29:01
Tema: Cultura



Cesa de Jan: tres manco dinés

Vignun di trei comuns a la pert se à oblié de paié ite na majera cuota anuala

L Consei de aministrazion dl Istitut Ladin "Cesa de Jan" a Col Santa Lùzia se à abiné en vender, ai 16 de november, per enjigné ca l bilanz de previjion per l ann 2008. La situazion finanziara ne ciala nia fora cis ben do che les alogazions dla lege 482/99 é vegnudes agaiedes. Pro la enconteda fòvel a la pert i sozes fondadours, i trei ombolc Paolo Frena de Col, Gianni Pezzei de Fodom y Andrea Franceschi per Cortina d'Ampez y i raprejentanc dles trei unions di ladins.



Pro la enconteda él vegnù dessegné a gran lignes les ativités da dejouje tl ann 2008 per cie che reverda i projec finanziés tres la lege 482/99 y per cie che reverda les autres ativités dl istitut. An à messù tò at che i fonds che regor fora dla ola dla lege 482/99 deventa tres plu magherlins. A una ésen stés che les ativités dl istitut dess vegnì valorisedes miec tres la colaborazion con i autri istituc ladins, Micurà de Rü y Majon di Fascegn. I trei comuns se sourantolarà vignun la grovaria de aumenté la cuota da soze, tamben les respetives unions di ladins, per garantì inant n funzionament minim dl istitut.






L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=1627