L spirit dla regula Ladina
Data: 23 February 2003 da les 09:51:17
Tema: Politica


 

L spirit dla "Regula Ladina" tla JG dla Svp de Gherdeina - Dezijions toutes vegn ignoredes o entortes

 

Per chi che ne savessa nia cie che al vuel dě „Regula Ladina" recordonse en curt che ala se trata de na union de amisc dla Svp plu estremista de Gherdeina, nasciuda ti agn dl 1991-92 per se paré dal "Ladin Dolomitan". La Union é steda en pé per puec meisc, ma al souraviv l spirit dla Regula souradut anter i joegn dla Svp de Gherdeina y perchel i clamonse "i Fis dla Regula ladina". Valgugn fac mostra su clermenter che te Gherdeina y demé te Gherdeina va inant l vedl spirit.



I envion Perathoner y l’assessour Mussner a jí a se lieje ju l program dla Jonta provinziala dl ann 1985, (dant 18 agn "nota bene"), olache al sta scrit "Konkrete Schritte zur Schaffung" ... tl sfuei dla jonta da enlaouta y a ester manco amisc dla Regula y plu ladins.

Ti cialan al numer de litadours dla Svp tla Val Badia veiden che les percentuales é ciamň plu autes che te Gherdeina, ma en general é i amisc badioc dla Svp persones plu democratiches, plu davertes, ma empň ence plu atachedes a sia autonomia, a sia identité. Per ei lité Svp ne ne vuel nia dí sarč su vigni dialogh con i autri. Tla Val Badia á tres abů la Union di Ladins anter si sozes sie chi dla Svp che nia. Te Gherdeina ne n’éla mai juda. Mo cie che fej dassen marevueia é che i joegn de Gherdeina, cun so obman Christoph Perathoner, é ciamň plu "vedli" di vedli combatenc. Ai destorj les cosses a na moda ch’al per ch’al sie demé ei i gragn protagonisc’ di avenimenc. Per fertuna sonse ruvés tant inant che valch joen dla Svp badiota, l dr. Felix Ploner, sourastant dla GJ da La Pli, ne ti sta nia plu ai juesc y al se lascia su dijan: "Y bel plan sunse stüfs da messei retrŕ les dezijiuns" . L’ega é juda persoura per gauja dl comunicat stampa dla Generazion Joena tla Svp Ladina revardent la senteda dla joena generazion Svp con l president dla Region Franz Pahl a San Linert. Dal comunicat perel che la senteda sie vegnuda organiseda da la joena Generazion, en curt da Perathoner, encandenň é l’invit a la senteda scrit sun papier dla Region. Chesta redazion á damané a n joen che á tout pert a la senteda de podei avei na "copia" dl scrit y al ti é vegnů responů de ti l damané a Pahl enstes. Tla protesta de Ploner végnel dit: "Sön l’invit por la sentada con le presidënt dla regiun Franz Pahl n’ęl degun punt al orden dl dé co azicâ minimomonter l’argomënt dal lingaz ladin". Dal comunicat endere án l’imprescion ch’al sie vegnů traté dantaldut la chestion dl ladin standard y an ti dŕ ai joegn de Gherdeina l’ocajion de podei dí fora sia minonga contra l standard desmostran de ne conesce nia les dezijions toutes bele da partě sun chesta chestion, Ploner dij: "Da nüsc amisc de Gherdena ierunse coerenza y respet dles dezijiuns tutes y ti recordé, che i grups dla Svp de Badia y Gardena ŕ düc adöm belo dan diversc agn tut a La Ila la dezijiun de finanzié le proiet SPELL. (L’ann dess ester sté le 1992). Perathoner ne recorda nience la touta de posizion, de jugn dl 1992, dla comiscion culturala dla Svp. Presidënt de chesta comiscion fova enlaouta la dr. Martha Stocker, che ova abů dit: "Al é vegnů traté chest argoment per mostré n iade che al ti sta a cuer a la comiscion culturala dla Svp i sforc dla plu picia y vedla mendranza te Südtirol per se crié n lingaz scrit unitar y ch’an sostegn y encorajeia chestes bries, propi ence dal moment che l lingaz ladin vegn anuzé dal ann 1989, tres la norma d’ atuazion sun l lingaz, sciche lingaz aministratif" (Usc di Ladins, 13 de jugn 1992, pl. 2).

L’ann 1991 s’á abiné i ombolc dla Val Badia y al é vegnů dit: "Nos ombolc nes un ghiré le lingaz aministratîf y i l’ún ciafé. In cunt dl’aplicaziun dl ladin dolomitan sunse daldöt a öna. I cherdun ch’al vëgnes brontoré jö val’ ch’i ne cunesciun nia y fat polemiches por nia. Vignun po adoré inant so idiom y le lingaz scrit unifiché gnarŕ introdüt damproěa zënza de gragn problems. Al n’é degun ü dl cuch. Nos sun dla minunga che le lingaz ladin dolomitan é nezessar, ince por rajuns de costimënt" (Usc di Ladins,  8 de fauré 1991. pl. 4). I envion Perathoner y l’assessour Mussner a jí a se lieje ju l program dla Jonta provinziala dl ann 1985 (Konkrete Schritte zur Schaffung ... tl sfuei dla jonta da enlaouta) y a ester manco amisc dla Regula y plu ladins. Con comunicac de chesta sort y con la delibera desmňstren de jě endň y de desdruje laour y propostes da denant. (uc).







L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=153