A recordanza de Malia da Cudan
Data: 09 April 2007 da les 18:49:37
Tema: Persones


 

Anda Malia da Cudan nes à lascé

Malia ObletterAnda Malia Anderlan vedua Obletter da Urtijei nasciuda ai 19.11.1912, alias Malia da Cudan nes à lascé ai 05 de auril 2007.Do avei trat su con gran sacrifizes con l soul ziplé, trei mutons y na muta, éla steda per trueps agn ensegnanta de ladin tla scola mesana a Urtijei.



,Anda Malia à ence contribuì ativamenter per trueps agn tl consei dla Union di Ladins de Gherdeina. Dal 1972 al 1986 se òvela dé ju dantaldut con publizistica ladina y enchin al 1993 se àla cruzié per la biblioteca ladina, metan dutes les publicazions en orden aldò dl sistem bibliotecar. Truepes ores debant fòvela tla Cesa di Ladins à se dé ju con i libri y con la cultura y rejoneda de Gherdeina. L ann 1997 éla vegnuda nomineda comembra d’onour dla ULG. Anda Malia à enstessa scrit deplù publicazions anter chestes recordonse: "Gherdëina Zacan y ncuei " deda fora da la Union di Ladins de Gherdëina l’ann 1979, « La rujeneda de l’oma » gramatica dl ladin de Gherdeina, deda fora dal Istitut Pedagoghich Ladin l’ann 1991, « Vedla Massaria » da laoré alalergia, te tablé y te ciasa, deda fora dal Istitut Cultural Ladin Micurà de Rü l’ann 1997 y l ultim gran suzes for dé fora dal Istitut Cultural Ladin Micurà de Rü avisa dant n ann, é l liber « L bosch y l lëur cun l leniam ». N blot scrit à anda Malia bele enjigné ultimamenter per l Calender de Gherdeina 2008 che vegnirà samben publiché aldò de sie ultim volei. Con l guant da la gherdeina fòvela ence entant i majeri sandis sovenz da vedei. Anda Malia à fat truep per l mantegniment y ensegnament dla rejoneda y cultura ladina. Ala é morta contenta, zenza mel y melcontentezes. Duc la recorda gen. L comun de Urtijei ti à sourandé sun cortina la vareta d’or. Malia lascia derevers n gran vuet.







L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=1452