Na letra enteressanta a les Dolomiten
Data: 14 December 2006 da les 23:18:16
Tema: Desvalives


 

Ence nia ladins se fej datrai demarevueia!

Brigitta Niederkofler, avocata y ensegnanta a Bornech se damana ciuldiche l logo dla sanité de Sudtirol é demé per doi lingac, todesch y talian

Chi che liej regolarmenter i foliec locai da vigni di, sà che al ti vegn resservé truepa lerch a contribuc de letours che comenteia la cronica o tol posizion sun problems de vigni  sort. D'inrer endere pon lieje letres  scrites da ladins o che reverda problematiches ladines,  nience canche i ladins á plu storia y tradizion da mostré su, desche pro la toponomastica, demé per fé n ejempl.



Al paia perchel la mueia da  auzé fora encuei  che al é ence datrai nia ladins che se fej demarevueia y damana ciuldiche l terz  grup  vegn  lascé fora , desmentié.
A plata 9 dl Dolomiten da encuei,  pon lieje na letra dal titul  significatif " DREISPRACHIGKEIT  " olache  Brigitta  Niederkofler, avocat , ma ence ensegnanta te na scola auta a
 
 Degun respet: Erbhof y auter 
Bornech, se damana ciuldí che l LOGO dla sanité te Sudtirol é demé te doi lingac , per todesch y talian .
Brigitta Niederkofler sotlinieia che propi n LOGO  de na istituzion publica, messessa desmostré loialité  y vejinanza con duc si zitadins . Da bona ensegnanta y avocat fej la autoura n pladoyer per l trilinguism che tegne cont  ence di Ladins, dl plu vedl grup etnich de Sudtirol , respetan enscì les leges y diretives nia demé dl Statut de autonomia. La dutoura Brigitta Niederkofler scluj ju sia letra, osservan che la autonomia de  Sudtirol perd credibelté  da revendiché ence foradecà sconanza per les mendranzes, canche al vegn  a mancé  tla provinzia   respet y sensibelté tl confront de sia mendranza ladina. Do chest zitat dla letra de na todescia al Dolomiten, pon ben se damané,  sce i nia ladins mess fé encuei i paladins di ladins !?
E.F.





L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=1378