Archirida dl creibes - projet nuef dla EURAC
Data: 14 February 2003 da les 18:51:16
Tema: Desvalives


 

Les malaties dl creibes pòn gonot afustié bele ti gens

L’Assistenza Tumors de Sudtirol vuel sostegnì n projet nuef de archridida che se tol dant de reconesce adretora l risch de svilup de valgunes sorts de tumors plu deslariedes. Les origines de chestes malaties tumorales pòn gonot afustié bele ti gens. Per studié plu davejin chestes malaties él nasciù n projet de archirida arvenù dal dot. Florian Vogl y condut inant tl program de archirida locala "GenNova", coordiné dal neurologh sudtiroleis Peter Pramstaller pro l'Academia Europea a Bulsan.



Florian Vogl é da trueps agn bele empegné pro l Zenter Internazional de archirida sun l creibes dla Organisazion Mondiala dla Sanité (OMS) tla cité franzeisa de Lion. Al laora da deplù meisc sciche epidemologh tla Eurac. Christine Tembl Mayr, presidenta dla Assoziazion Tumors Sudtirol, é steda dret contenta de podei colaboré con Florian Vogl y é convenciuda che l projet y i resultac pò ester d'utl per i pazienc de Sudtirol.

Ence l dot. Claudio Graiff, president dl Consei di medesc dl'Assoziaziun y primar de oncologia al Ospedal de Bulsan à paroles de laud per la scomenciadiva: "La medejina moleculara arà tres plu peis tl davegnì y tl caje spezifich dla archirida oncologica pòla daurì na streda nueva."  Sun la foto: i archiridours dl projet.

Contat y informazions: dot. Florian Vogl, tel. 0471 - 055 513, e-mail: florian.vogl@eurac.edu







L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=135