Plovans per n dialogh davert
Data: 15 June 2006 da les 19:41:27
Tema: Desvalives


 

La "ciarestia" de prevesc se fej ence sentě chilň da nos

La iniziativa "Plovans per n dialogh plu davert" - Tla Austria abínen adum firmes

L foliet "Tiroler Sonntag" di 7 de mei 2006 reporta n articul sun na iniziativa de plovans per " na comunité viva y contra l saré pro calonies". Chesta é nasciuda ai 2 d'auril a St.Pölten da pert dl plovan Helmut Schüller, de P. Udo Fischer y d'autri. I dis passés ti ŕi mené fora a duc i plovans austriacs sia declarazion de fonz con la poscibelté de sotescrive l'adejion a chesta iniziativa y laprň végnel conté su na lignola de d'autres domandes davertes y problems. Entratant i 25 agn passés él tl'Austria la cumpeida di prevesc ju endň dl 25% . Tres deplů plovanies ne pň nia plu saludé n plovan. L iniziadour de chesta iniziativa Mag. Helmut Schüller spliga la situazion y l debujegn dl dialogh.



A cie moda eise pa adum con d'autri plovans envié via chesta iniziativa?
Schüller:
L'iniziativa ne vegn nia fora de n saren. Bele da n pez encŕ se urta n grup de plovans de Viena y dl'Austria Bassa per rejoné dl svilup pastoral tla Gliejia. Al nes emplesc l cuer con gran festide y con n melcontent cherscent de messei vedei sciche i responsabli se astila defront a la mancianza de prevesc, sun les sciables dles plovanies y di curac. Che i jon ti media empera ŕ deplů gaujes: an volessa ti mostré ai cristians che prevesc se cruzia con ei per l davegně dles comunités plovanales y che an ne vuel nia ester i ultims che sera pro les calonies. I volessan ence crié na rei de prevesc che ŕ gonot puecia poscibelté da podei se rejoné fora a prodezes sun sia situazion y desçiarié si festidesc. Y a la fin volonse ence arjonje na discuscion daverta con la direzion dla gliejia sun la cura d'animes tl davegně.

Olŕ vedeise pa les domandes davertes per l davegně?
Schüller : Ala se trata de na dezijion de direzion: con ciuna vijion de gliejia jonse pa ti proscims diejens? Nes retironse tres deplů a di ch'an dij da la cura d'animes sourapasseda y conzentronse nosta pastorala sun de maiours raions con azenc miscionars o volonse sciche gliejia ti ester l plu damprň che al é meso a la popolaziun ? Chest vuel dí che i vivon sciche prevesc te plovanies clermenter da vedei da pert dla jent, che i nes tolon dlaorela per sies domandes personales y che i son pert de sia comunité. Souraprň ŕ la plovania ence na dimenjion dret soziala, vŕla pu chilň dla comunité eucaristica vivuda vigni dí. I damanon che i vescui mete sies chertes sun meisa.

Ma cie mineise pa chilň plu avisa?
Schüller: Al vegn tres endň dit a revert dla  amiscion de "ei comprovés maridés ( viri probati)" al sazerdoze che chest pň demé vegni deliberé a livel dla Gliejia universala. I vescui dess dě clermenter, sce ai se dá da fé ju a Roma o nia. Al me desplej dassen che l vescul Kapellari ŕ dit nia dadie che al ne s'ŕ y ne se engajassa mai ju a Roma de chest vers. Ma spo dess i vescui ence ti dí a la jent cie che ai vuel fé contra l saré calonies y co che plovanies con tres manco prevesc dess vive endretura sciche comunités religiouses. Laprň él d'aures domandes che sbriscia dantfora da agn: co tratonse pa i divorziés endň maridés, co pa la crisa dl sacrament dla confescion, co pa i laics tla direzion dla plovania o la comunité dla comunion con d'autres gliejies? I sé, chisc n'é degugn tems nuefs, ma al é problems reai. Perchel méssel vegní rejoné persoura y al mess vegně chirě soluzions adatedes. I savon ence che mudazions adora temp. Ma sciche prevesc y cristians onse ence la rejon de avei n dialogh senzier.

I vedon che al é trueps prevesc che se fej pensiers sun co che la gliejia podessa ji inant miec; ai ŕ l'imprescion che chi da lassů ne se cruze nia massa dla mancianza de prevesc, dles calonies sclutes, dla jent dalonc da la gliejia y di problems di cristians. Ence chilň da nos ti sóflel tla musa a la gliejia n vent  tres plu freit y massa puec veid ite che al fossa ora da ne se fé nia demé pensiers, ma ence da dé varesc concrec per afronté chisc problems tres plu sentis - la mancianza de curac!

De cie che al vegn baudié tla intervista, i medems  problems, vegn ben ence te nosta diozeja tout scialdi a la lesiera. Al pčr che la gliejia ne ae nia plu l coraje de tó posizion defront al svilup te Südtirol y dě cie che ne sta nia ite tl conzet religious di cristians. An ŕ l'imprescion che ala ti feje plutost les beles a la politica che mostra manies lerges canche la gliejia adora valch. I nes recordon les chertes pastorales dl vescul Gargitter che slomenova cie che ne jiva nia ben y mostrova su l dret troi. Encuei vegn dut azeté y scuté via. Co dess pa spo la jent savei cie che é dret o falé?

Lois Trebo







L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=1284