N segn pericolous: l assolutism politich
N comentar de Carlo Willeit: les afermazions de Costa se meritova al plu valch contraposizion, ma nia azions de ciastighe
Per sia minonga sun la petizion di scizeri y ombolc, massa filo-taliana y massa puech patriotica tiroleisa todescia él gnů metů en ciastighe y sclut fora da la delegazion provinziala che jiva a giaté l Dalai Lama. Duc ŕ podů dí cie che ai ŕ volů, enfinamai i ombolc che ŕ sotescrit na petizion taieda pro plu sun la mendranza todescia che sun chela ladina dijan doprň che ai ne ova nia liet avisa y che al fova sia liberté costituzionala sostegně chesta o chela idea politica.- La Presidenta dl Consei Provinzial, Veronika Stirner-Brantsch, ŕ dejenvié Costa dal viade tl'India do sies declarazions te na newsletter de hotel ("perlae ladines"). La SVP se ŕ fat entene y nia demé chilň, a risch sen ence i contribuc a la Generela.
-
Resserves y critiches da n grum de pertes, ma da ciastié él demé un soul, Michil Costa y con el la Union Generela, y con ela i ladins. Che el ŕ prové da aboní valch talian, anter chisc ence i sciors, plutost enzafagnés con i comuns, tiran ca valch dit manco plajoul, ma laudan la provinzia y la autonomia y envian la jent a vive adum en pesc, fova ben cler y se meritova al plu valch contraposizion, ma nia azions de ciastighe desche chel dl iade tla India y d'autri. I fac é dassen pesoc y da refudé, ajache l ciastighe vegn da la Presidenza dl Consei Provinzial , clermenter do a prescion politica, da la istituzion plu auta che messessa raprejenté y garantí per pruma la liberté di zitadins; n segn pericolous che nosta democrazia passa da la partitocrazia al assolutism politich.
