Mostra Vejin tl Zenter Trevi
Data: 03 October 2005 da les 21:14:49
Tema: Cultura



Vejin: n viere sun la realté ladina

La mostra é daverta vigni dí tl Zenter Trevi tla str. Kapuziner da les 10.00 a les 12.00 y da les 17.00 a les 19.00 

Na bela cumpeida de jent se à fat permez ensnuet a la prejentazion dla mostra Vejin tl Zenter Trevi a Bulsan, anter chisc ence l candidat da ombolt de Bulsan Luigi Spagnolli. Na cornisc musicala dret plajoula che à giaté truep aplaus é vegnuda sporta dal cor di mutons de Al Plan de Mareo acompagné con i orghegn a man da Ludwig Rindler y a la Chitara da Ruth Rungger. La mostra "Vejin" dess endò n iade recordé, dantaldut a Bulsan, che tla provinzia vível ence zitadins ladins, enscí la presidenta dla Consulta Dolores Dariz y la diretoura dl Zenter Multilingual tl zenter Trevi, Rita Pezzei, che à envié via chesta iniziativa. Entratant duta l'edema che vegn vegniràl fat vijites avisedes per classes de scola y da seira tegnù relazions sun tematiches ladines.
Les tofles dla esposizion descriv en curt dutes les tapes: da la romanisazion di Rec a encuei.
 


Mateo Taibon, ideadour dla esposizion, se aoda che la mostra deide tó demez cerc clichés de carater folcloristich che roda sun i ladins (turism, zipladours y creps), mostran depierpul che al se trata de na comunité de lingaz, de zitadins y de degun grup flocloristich, che à debujegn desche i autri grups linguistics de normes de sconanza y de promozion de sie patrimone linguistich cultural. Al à auzé che la esposizion vuel sporje n cheder realistich dla situazion ladin, auzan ence fora les ambries y chestions che ne vegn gonot nia trates ca da la politica "ofiziala", p.ej. chestions desche l proporz a dann di ladins, la tripartizion sun trei provinzies y does regions, l ladin te scola che à dret puecia lerch tla scola paritetica, chela dl ladin standard y e.i.
 

Esposizion: 3.10 - 12.10.2005
Centro Trevi orar
10.00 - 12.00 / 15.00 - 19.00
Kapuzinergasse 28
Bulsan
enaugurazion
3.10.2005 - 18.00


Manifestazions (Centro Trevi)


Rut Bernardi

Entstehung und Werdegang der ladinischen Literatur
in deutscher Sprache
04/10/2005 – mertesc martedì Dienstag, 18.00h

Josef Albert Moroder
Storia e origini dell’artigianato della Val Gardena
in lingua italiana (con supporto video)
05/10/2005 - mercui mercoledì Mittwoch, 18.00h

Valentina Kastlunger
Film “Ci co cunta”
Fiction sui giovani in lingua ladina/Fiction über die ladinische Jugend
Sottotitoli in italiano o tedesco a richiesta/Deutsche- italienische Untertitel auf Anfrage
06/10/2005 - juebia giovedì Donnerstag ,18.00h

Nadia Chiocchetti-Vittorio dell’Aquila
Il ladino scritto dall’uso poetico alla ufficialità
in lingua italiana
07/10/2005 – vender venerdì Freitag, 18.00h

Führung in deutscher Sprache
08/10/2005 – sabeda sabato Samstag
11.00h-12.00h

Rut Bernardi
Visita guidata in lingua italiana
09/10/2005 – domenia domenica Sonntag , 11.00h-12.00h

Tone Kastlunger-Nicol Alberti-Daria Valentin
Serata di poesia ladina/Ladinischer Gedichtabend
con accompagnamento musicale/mit musikalischer Umrahmung e “pillole” di lingua ladina/und Schnubberkurs der ladinischen Sprache
11/10/2005 - mertesc martedì Dienstag , 18.00h

Esposizion de material per l stude y la enrescida dl lingaz ladin

Entreda gratis.

 

 Vejin - vicino sconosciuto - unbekannter Nachbar 







L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=1131