L Consei nuef dl Istitut Ladin Micurà de Rü
Provinzia, unions culturales y comuns à fat i inoms - La jonta provinziala à fat la lita
La Jonta provinziala à nominé dantenier (29.08.2005) l Consei nuef dl Istitut Cultural Ladin "Micurà de Rü", tegnan cont dles propostes dles assoziazions culturales de Gherdeina y dla Val Badia. La pruma enconteda dl Consei d'Istitut nuef vegnirà tegnuda en sabeda, ai 17 de setember 2005 a San Martin de Tor.
Dl Consei d´Istitut nuef féjel pert Hugo Valentin da Falzes/Issing sciche raprejentant ladin dla Junta provinziala, Bruno Senoner de Urtijei, Herwig Prinoth de Urtijei y sies sostitutes Elfriede Perathoner de Urtijei y Beate Senoner de Selva sciche raprejentanc dles assoziazions culturales de Gherdeina. I raprejentanc dles assoziazions culturales ladines dla Val Badia é Tone Gasser da San Martin de Tor y Erika Castlunger da Corvara cun si sostituc Hubert Irsara da Badia y Vito Zingerle da San Martin de Tor. Dl Consei féjel ence pert Nadia Nocker de Selva y Othmar Costabiei da Corvara en raprejentanza di comuns de Gherdeina y dla Val Badia, l intendent dles scoles ladines Roland Verra, le diretour dl Istitut Pedagogich Ladin Theodor Rifesser y l diretour dl Istitut Cultural Ladin Leander Moroder. (fontana: osp)
