La Via Alpina dal Mer Mediteran al Mer Adriatich
Data: 11 August 2005 da les 08:55:32
Tema: Natura
Per 5.000 km sun la Via Alpina
Un di doi itinerars conduj ence tres les Dolomites y atraverseia Fascia y Fodom
  La Via Alpina é l prum itinerar organisé che lieia adum a mez-certl i 8 paisc che confineia tles Alpes da les spones dl Mer Mediteran a Monaco enfin al Mer Adriatich tla Slovenia. Al se trata de 5000 km de semenes amarscedes che vegn sen publizisedes sot al inom de "Via Alpina".
Una de chestes semenes internazionales passa tles Dolomites tres la Val de Fascia y Fodom per arjonje l Mer Adriatich. La Via Alpina vegn prejenteda con n grum de detais te internet con chertes interatives y informazions menudes sun les 341 stazions de paussa sun l itinerar (carateristiches, poscibeltés da sté souranuet y e.i.).
L projet Via Alpina envieia a jí soura i confins fora y de jí a descorí les marevueies naturales y culturales dles Alpes. Al se trata de n projet cofinanzié da la Union Europea tl cheder tl program Interreg IIIB tres chel che an vuel arjonje na colaborazion internazionala anter ofizes turistics, i albergadours, i meinacreps y i operadours turistics en general per ti pité ai turisc' sun troi n bon servisc.
| 