Lege sun i referendums
Data: 22 July 2005 da les 09:58:38
Tema: Politica


 

Chest suzédel canche al ne é nia na raprejentanza politica autonoma

Tl mete ju la lege ne él nia plu vegnů tegní cont dla mendranza ladina - La colpa é dla politica SVP

Degugn ne dubiteia che les mendranzes linguistiches sie subiec giuridics de gran emportanza tl sistem autonomistich dla provinzia de Bulsan y dla region Trentin Südtirol. Zenza chestes figures perdessa l’autonomia con l bi-y trilinguism, con l proporz, con les competenzes primares particolares sia fondamenta. Les prumes che ŕ da respeté y sconé les mendranzes é ben la provinzia y la region enstesses che toca da fé les leges, cis cheles plu emportantes, aladň dles poscibeltés y di debujegns dles comunites de mendranza.
Carlo Willeit.



La lege sun la democrazia direta, te d'autres paroles sun i referendums, aproveda da puec dal consei provinzial de Bulsan, é una dles leges plu emportantes per la mendranza ladina, per sie reconesciment y sia defenuda. La lege provinziala da sen tol ju per la provinzia de Bulsan les vedles leges regionales dl 1957, dl 1972 y dl 1983. En confront anter la lege vedla y la nueva nes dij clermenter cie consciderazion che an ova dant da 30-40 agn y ciuna che an en ŕ aldidancuei dai ladins, sun l ciamp dla democrazia direta almanco; entratant che la region se damanova enlaouta anter 15000 y 4000 sotescrizions per i referendums propositifs y abrogatifs ti dan ai ladins la sauridanza de 1000 y 500 sotescrizions en caje de propostes o domandes che vegniva dai comuns ladins o che tocova i ladins, sparesc la consciderazion particolara dla mendranza ladina daldut fora dla lege provinziala dl 2005.  10.000 sotescrizions per chesta sort de referendums vel ence per i ladins, sie teritore y sies chestions y cie che va ciamň plu contra la sconanza dla mendranza ladina é la poscibelté che 10 comuns con l 10 % dla popolazion provinziala pň ence envié via i medems referendums. Che i ladins ŕ demé 8 comuns y l 4,37 % dla popolazion sŕ duc, ma a desferenza de enlaouta ne végnel nia plu tegnů cont dai ladins.
Da dí él ence che degugn ne ŕ defenů tl dret post y tl dret moment na rejon tant emportanta. Ciamň na cossa: ghiré na traduzion y na publicaziun de na tel lege ence per ladin, adum con i tesc' talian y todesch, ne fossa ben nia ghiré demassa, con dutes les prescrizions che al dŕ de chest vers.


Carlo Willeit







L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=1085