Publicazions: Ladiner: eine Minderheit in der Minderheit
Data: 21 April 2005 da les 17:27:34
Tema: Politica


"Ladiner: Minderheit in der Minderheit"

Chest é l titul de n liber che vegnirá prejenté endoman da les 11.00 a l'université de Bulsan

"Die Ladiner: Minderheit in der Minderheit" (I Ladins: na mendranza tla mendranza). Pruma domanda: le titul, cie díjel? I ladins vegn subordinés ai todesc, ai vegn declarés n sotgrup. I ladins n'é nia "Minderheit in der Minderheit", ma "Minderheit neben einer Mehrheit" (mendranza dlongia a na maioranza). I todesc n'é nia plu na mendranza, desche ei dij dagnora, ma maioranza tla provinzia, maioranza perauter gonot nia toleranta tl confront dles rejons dla mendranza ladina. La terminologia "Minderheit in der Minderheit" é n segn de na ideologia de sotmiscion dl grup ladin, promovuda da la Svp y da sie sotgrup ladin dla Svp de Gherdeina.


 



Pruma domanda sun l contegnů dla publicazion: él na documentazion o él propaganda? A scrive tl liber él - tout fora en zacotant de ezezions - porě persones liedes diretamenter al partě o che i buta al partě. Y a scrive él trueps todesc, samben feter duc dla SVP o te sie certl ideologich y degugn de chisc ne se damana rejons fondamentales per i ladins (aplicazion dl lingaz, ensegnament te scola, auto-aministrazion, endebliment dla tripartizion, sostegn a la stampa ladina y enscí inant). Dret fóssel da lascé audí la minonga de chi ladins che s'á impegné per sie lingaz - ma l liber ne á nia lerch per d'autres idees, al n'é nia lerch per i personajes storics che se á impegné per les rejons dla mendranza. Lerch él per i oms dl partí che á daidé tegní ju la mendranza ladina y sies rejons (ultims ejempli: la lege litala dl 1998 dla Svp che é vegnuda declareda anti-costituzionala, daviache ala jiva contra l statut de autonomia y contra les rejons di Ladins, delibera contra n lingaz scrit unitar ladin, esclujion de n raprejentant ladin da la comiscion per la toponomastica, sceben che l ladin é l lingaz originar de Südtirol y e.i.). La publicazion perd enscí valour: n liber sun la mendranza scrit da la otica dla maioranza.
Ence les condizions dla publicazion la dij longia, la publicazion vegn deslargeda da l'Athesia, l editour lié toch a la familia Ebner y enscí al partě de maioranza SVP - chel editour perauter che dŕ fora libri de telefons per Südtirol, olache al n'é lerch no per l lingaz ladin, no per l inom ladin di paisc. Y l foliet Dolomiten, foliet de partě nia-ofizial y medium dla Athesia, fej samben publizité per l liber y rejona de na "Ladiner Erfolgsstory". A prejenté la publicaziun él spo esponenc dl partě, en curt n liber tl segn de n conflit d'interesc che supereia de gran longia chel de Berlusconi. (ec)

Venders, 22 de auril 2005, da les 11.00: salf A101 - Université de Bulsan
Al vegn prejenté i Ac dl Convegn "Die Ladiner - eine Minderheit in der Minderheit" tegnú dl 2002, y dés fora da Hilpold/Perathoner.

Al refereia: l assessour Florian Mussner, l diretour dl'Athesia Michel Ebner, l prof. univ. Peter Hilpold y l funzionar dla Svp Cristoph Perathoner.
Contegnú dl liber:
Peter Hilpold: "Der Schutz der Minderheit in der Minderheit im Völkerrecht"
Christoph Perathoner: "Der Schutz der ladinischen Minderheit in Südtirol"
Roland Riz: "Der verfassungsrechtliche Schutz der Ladiner in der Republik Italien"
Siegfried Brugger: "Der Minderheitenschutz aus der Perspektive und in der Praxis des italienischen Parlaments"
Theodor Rifesser: Die ladinische Schule in Südtirol - Gegenwart und Zukunftsperspektiven"
Fabio Calliari: Überlegungen zur Frage der ladinischen Sprachgruppenzugehörigkeit der Bevölkerung im Nonstal und am Sulzberg"
Giuseppe Detomas: "Der rechtliche Schutz der Ladiner des Trentino und Venetien"
Daniel Thürer: "Recht und Sprache: von Bivio bis Banylon. Zum Fall der Schweiz und - inder Schweiz - Graubünden"
Albert F. Reiterer: "Postmoderne Identität vom Status zur Option"
Lois Craffonara: "Das Ladinische aus sprachwissenschaftlicher Sicht"

 

D'autri articui comparus sun noeles.net sun la medema tematica:

 Mendranza te na mendranza: titul ne plej daldut nia
 Convëgn dla Regiun, ai 22.11.2002
 Comentar al Convëgn da in vëindres

 

 







L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=1004