benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: La polemica va inant (ponc: 1)
da sabrina ai 19 November 2003 da les 12:10:58
(Infos sun l utilisadour | Ti mané n messaje privat)
I volesse fé n valgunes conscidrazions sun la sintassa dl ladin standard y ti enjonté na prezisazion sun chesta afermazion de Erwin Valentini:
„les strutures sintatiches dl verb en seconda posizion … n'é nia formes vedles ma inovazions badiotes y gherdeines. La strutura dla frasa con l verb en seconda posizion é feter dessegur n emprest sintatich dal todesch. La forma badiota sarà fosc chilò plu "tipica" (sce an miena con chest plu dalonc da la raisc latina) ma nia plu "originala". La strutura con verb en seconda posizion é vedla y ala vegn ca diretamenter dal latin. Tel cajo de chesta costruzion se tràtel de na strutura che al vegn giaté ciamò ti tesç vedli ence di autri idioms dles Dolomites (fascian, fodom y ampezan). An troa chesta strutura ence tl franzous antich y sce ala se à conservé enfin anchecondì tl gherdeina y tl badiot depénel demé da la vejinanza de n auter lingaz, l todesch, che conserveia ciamò chesta strutura ence tla sincronia. Per chest podessanse dì che la strutura dl verb en seconda posizion é tipicamenter latina y donca ence ladina y che al no se trata demé de „originalité“ badiota o gherdeina, ma de originalité ladina en general. L todesch donca à demé favorisé la conservazion dl verb en seconda posizion te Badia y Gherdeina.


| suvers
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.375 seconc