"Les eles al zenter dla seira de leteratura ladina"

Autoures ladines á liet dant da si scric ciamò nia publichés

En mercui, ai 13 d'auril, él sté tl Zircul Zitadin dl Comun de Bulsan n "neté d'aisciuda", o ben na seira de leteratura ladina dret plajoula. Bruna Maria Dal Lago Veneri á envié via la seira con na conteja sun les usanzes y i sun ritesc da d'aisciuda tles valedes ladines. Maria Pedevilla, Ingrid Runggaldier y Marta Rungger à liet dant da si scric ciamò nia publichés.

Tl zenter de duc trei i pec portés dant fòvel eles: pro la composizion de Maria Pedevilla se tratòvela de n monologh de na joena dant al spiedl, tla storia "neté d'aisciuda" de Ingrid Runggaldier fova la protagonista n'ela de mesa eté, che chirian te na scatola de vedles letres y fotografies jiva con i pensiers derevers tl passé, entant che l contegnù dla contia de Marta Rungger fova ela enstessa y sie svilup autobiografich da iaghera. Scialdi bel é sté l acompagnament de mujiga al clavir de Alessandro Trebo. Coche scincunda a la fin à l publich foradechel podù audì n pez porté dant da Trebo deberieda con l chitarist Jan Daniel. Tres la seira dret garateda à mené la conseiera de comun y Presidenta dla Consulta per i problems ladins Dolores Dariz. 

Alessandro Trebo al clavier y Jan Daniel Granruaz a la chitara.