L plan anual de sostegn a la joeneza ladina
421.000 de euro per les infrastrutures y 170.000 euro per la promozion dles ativités
“I joegn dles valedes ladines laora dassen. Les unions joniles met a jì n grumon de scomenciadives de valuta. Per chesta rejon dess la joeneza vegnì sostegnuda”, miena l assessorat. La Jonta provinziala á dé pro en lunesc, ai 11 d’auril 2005, l plan anual per l sostegn a la joeneza ladina che veid dantfora 421.000 euro per infrastrutures y 170.000 euro per ativités.
L simbul dl "Sorvisc ai Jogn - Val Badia", una dles organisazions joeniles finanziedes da la provinzia.
Sunsom a la lista dles priorités sta les infrastrutures: l majer projet é la realisazion dl Zenter per “Joegn, Ert y Cultura Gherdeina” a Urtijei. Entratant chest ann déssel vegnì mioré tamben d'autres infrastrutures y lueges d’enconteda. Cotant de peis ti végnel dé a les ofertes y ai programs, p.ej. a n’organisazion creativa dl temp lede o a les poscibeltés de partezipazion dla joeneza a la vita publica. I projec ne dess nia demé ester orientés a l’organisazion dl temp lede, ma ence brancé ite les problematiches joniles. Al dess vegnì sport contegnus plu significatifs y de valuta, che sie interessanc y tamben d'orientament te n mond plen de ofertes. La provinzia paia fora eventualmenter ence contribuc straordinars, p.ej. per la rei informatica. A les persones che laora desche volontars con la joeneza déssel ti vegnì pité de plu formazion. Tles majeres istituzions dess spezialisć pedagogics ti sté permez. (osp)
