N Papa che se interessova dles mendranzes
L prum che à ence rejoné doi iadesc per ladin
Temp de plura: l Papa Jan Paul II nes à lascé. Al é vegnù clamé plu avisa l “curat dl mond”. Sia diozeja desche vescul fova l mond. An pò dì ch’al à rejoné con duc, che al à enconté feter duc. Al conesciova i lingac, ma souradut volòvel n dialogh nuef. Deguna categoria de persones é vegnuda scluta fora. N Papa artist, jobler, scritour y souradut n om de fede, lié a les tradizions, ai valours fondamentai dl cristianesim, ataché ai documenc dl Conzil Vatican II, ma empò davert per ti fé lerch a Gejù Crist tl mond: “Dauride zenza tema les portes a Gejù Crist”.Papa Jan Paul II en gaujion de sia vijita a Peralba (Weissenstein) dl 1988, oláche al á rejoné per ladin, dijan dilan a Idie de chesta scinconda.
N Papa dles mendranzes che ti à dediché n “Dì dla Pesc” a les mendranzes, scrivan te sia letra che al ne sarà nia pesc tl mond enfin a che les mendranzes ne vegnirà nia respetedes te si derc. L prum Papa che à ence rejoné plu iadesc per ladin, propi a desmostrazion de sie amour per les mendranzes. Sia racomanazion: “Mantegnide vosta identité y vosta religion” dess nes resté tl cuer per dagnora. (sb)
