Carolina Kostner arjonj bron a Mosca
Encuei ti án fat festa a Urtijei - L proscim gran travert: i Juesc Olimpics da d'invern a Turin dl 2006
Endò n iade ésen restés a bocia daverta per la gran bela arjonta de Carolina Kosnter, la medaia de bron ai Campionac dl Mond de jadiné artistich a Mosca dai 14 ai 20 de merz 2005. Pruma é steda: Irina Slutskaya (Russia) y seconda Sasha Cohen (USA). N ann con de bones prestazions da pert de Carolina: chest ann s'ála bele plazé pruma ai Campionac talians y setima ai Campionac Europeics. Carolina Kostner, 18 agn de Urtijei, é chersciuda su con la glacia. Sia oma, Patrizia, fova na jadinadoura artistica aleneda da sia lava, sie pere, Erwin, alenadour de hockey sun glacia y sie fré, Martin, juga a hockey. Encuei ti él vegnú fat gran festa a Urtijei. Ma bele defata messarála jí endò a Oberstdorf ti Paisc Todesc, oláche ala studia y se aleneia per la proscima sajon da jadiné. Nia dret dalonc ne é nience i Juesc Olimpics a Turin dl 2006.
I resultac de Carolina Kostner:
2005
Campionac dl Mond - 3a
Campionac Europeics - 7a
Campionac Talians - 1a
2004
Cup of Russia - 7a
Trophée Eric Bompard - 2a
Skate Canada - 5a
Campionac dl Mond - 5a
Campionac Europeics - 5a
Campionac Talians - 2a
