benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Selva: lites comunales 2005 - lista
scrit ai 24 March 2005 da les 15:50:14 da noeles

Politica


I "LADINS" va do sie troi a Selva

Willeit Carlo é l candidat da ombolt - Deguna acordanza con l vedl ombolt di "Ladins" Roland Demetz - Te duc trei i comuns de Gherdeina végnel metú en pé listes "LADINS"

Enseira án tout la dezijion definitiva de mete en pé a Selva na lista "Ladins" per les lites comunales 2005. Carlo Willeit: "N iade onse bele 11-12 candidac segurs, anter chisc i conseiers da sen Claudia Bertuolo y Flavio Mussner y 2-3 nen ruváral permez". Candidat da ombolt é Carlo Willeit. Sun la domanda ciuldí che an á tout la dezijion de jí do si trois, y de ne sostegní nia l candidat da ombolt Roland Demetz y sia lista de paisc, díjel che "al ne fova nia meso de ruvé anencef, de arjonje na acordanza clera". Ence a S. Cristina végnel metú su na lista "Ladins". Willeit é dla minonga che al é miec se prejenté ence a livel comunal con listes de partí y nia con listes de paisc, davia che la posizion politica resulteia plu clera.
 


Per Willeit é Selva n simbol dla politica comunala di "Ladins" che á na valuta soura i confins de comun fora. Al fossa dastramp da moié da lascé ester dut, davia che l ombolt da sen, Roland Demetz, ne vuel nia plu se reconesce pro l moviment "Ladins" y  se prejenteia con na lista de paisc a mesa streda: tiran da una na pert valch esponent Svp sun sia lista y volan da l'autra pert avei l sostegn di Ladins. Da chest él nasciú n gran contrast con la formazion di "Ladins". Al ne fova nia plu meso de se coordiné, no per cie che reverda i candidac, no per n program y ciamò de manco per idees de laour te jonta.
Ofizialmenter vegn la lista "LADINS" prejenteda ai 1 de auril, da les 10,00 dantmesdí, tla ustaria de Val te Selva.
A mete adum na lista  "LADINS" ésen ence tl laour a S. Cristina y desche tles does legislatures da denant  a Urtijei, oláche an á arjont da les ultimes lites comunales 3 conseiers. "De bones listes con trueps candidac" dij Willeit, vedan che l moviment peia endò via dal bas, ti comuns y ne se á nia destudé via.
 

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Selva: lites comunales 2005 - lista (ponc: 1)
da GEORG ai 31 March 2005 da les 21:16:29
(Infos sun l utilisadour | Ti mané n messaje privat)
Ti mbince a la Lista Ladins che l ruve truepa jent a la presentazion. L ie segur n seni de democrazia sce te n luech se presenta plu listes´pra la veles.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.378 seconc