benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Université de Bulsan/Persenon, sezion ladina
scrit ai 22 March 2005 da les 15:22:21 da noeles

Cultura


L ensegnament dl ladin a l'université

Enier á doi studenc sclut ju  l ejam de laurea con 110 y lauda: Bruno Senoner con n laour sun "l'alfabetisazion tles scoles de Gherdeina" y Edith Senoner con "l ensegnament dla storia locala tles scoles elementares"

Hans Goebl dl'université da Salzburg (con n volum dl ALD tles mans)

Al articul sun les lezions dl prof. Paul Videsott pro la Université de Persenon publiché sibe sun Noeles.net (13.03.2005) che tl foliet  ”Alto Adige” él da enjonté che al ne é samben nia les soules ativités a ben dl lingaz ladin dla sezion ladina, desche l diretour de repartizion dr. Theodor Rifesser nes spliga.  Dlongia l prof. Videsott ensegna tl secont semester ence l prof. Hans Goebl dl'université da Salzburg (con n volum dl ALD/Atlant linguistich Ladin tles mans) che ti sporj a chi dl prum y secont ann na panoramica ampla sun l svilup dla rejoneda ladina pian via dai Romans y ruvan enchin a nosc temps. Enier él sté dí de ejam a l'université, doi candidac, Bruno Senoner y Edith Senoner de Santa Cristina, á sclut ju con 110 y lauda.

 



Desche program basa végnel metú a jí n curs de gramatica y de ortografia de 30 ores dal dr. Giovanni Mischi per i studenc dla Val Badia y da d'auton dal dr. David Lardschneider per chi de Gherdeina. Chisc cursc vá debujegn per porté ence l ladin scrit al livel dles autres does rejonedes. N auter curs facoltatif per i studenc ladins vegn tegnì te chest semester da la dr. Gerda Videsott sun les chestions fondamentales dla linguistica. Tl prum semester á dr. Theodor Rifesser, diretour dla repartizion ladina dl'Université a Persenon, enstes tegnì n curs sun l ensegnament plurilinguistich pian via dal model dla scola ladina y jan ite plu sot tla didatica integreda o contrastiva che dess mete a la pèr dutes trei les rejonedes pian via bele da la scola elementara. 
L diretour de repartizion nes reporteia ciamò n'autra noela frescia: enier, ai 21 de merz, à sclut ju pro l ejam de laurea doi candidac ladins con l mascim di ponc (110 y lauda). I candidac fova: Bruno Senoner, ombolt de S. Crestina y Edith Senoner, ence da S. Crestina. Pro la comiscion de ejam fova laprò l prof. Comploj, l prof. Videsott, l ispetour Lois Ellecosta y l dr. Rifesser. L prof. Kurt Egger y l prof. Luckerath fova i acompagnadours de prum livel per i laours de diplom fac dai doi studenc. Les teses ova sciche contegnù l ensegnament dla storia locala tles scoles elementares (Edith Senoner) y la problematica dl’alfabetisazion tles scoles de Gherdeina (Bruno Senoner). Pro i ascutadours fova laprò ence l assessour ladin Florian Mussner.

 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.405 seconc