benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Dolomites: Monument natural Mondial dla UNESCO
scrit ai 15 March 2005 da les 15:07:02 da noeles

Natura


Dolomites sot a sconanza UNESCO, miec o piec?

Per l'economia conta demé la cumpeida di patins che passa tres i implanc portamont

de Umbert Cians

I dis y les edemes passedes él vegnú rejoné truep dla proposta de fé domanda a l'UNESCO che les Dolomites vegne reconesciudes desche patrimone natural mondial. L argoment é vegnù traté con tematiches y azentuazions desvalives ti convegns de Luserna, Vich de Fascia y a Palù. Dlonch gran entusiasm per la cossa, sceben che al sie ti ultims dis vegnú a la lum ence valch tema sun les regoles. Sciche an à podù audì da na intervista a Durnwalder reverda la chestion l patrimome natural y nia chel cultural. Na prezisazion dassen importanta, davia che al vuel dì che l lingaz original-minoritar, chel dla oma, deventa secondar. Ladins a fé da cheder con l guant da zacan a paiament.



Sce an rejonassa de patrimone cultural dles Dolomites, spo essa l lingaz dles mendranzes, chel ladin y chel todesch n resson cotant majer. L aspet cultural tolessa ite les tradizions, les usanzes dles mendranzes, al mostrassa su les desferenzies anter i grups etnics che abiteia tl raion. Al tocassa la storia dl raion, sie sistem scolastich pluralistich, sie mond musical, teatral, la stampa, les istituzions culturales y i.i.. A livel natural se trátela de sconanza dla natura, dles montes, di joufs, dla fauna y dla flora, di paisajes. Dessegur n gran reclam a livel mondial, n reclam "Dolomiti Superski" slarié fora. La gran venta sarà dantaldut la sburla a n reclam turistich plu unifiché anter Bulsan, Trent y Belun. Tost vegnirál a la lum TV-Spots nuefs, sic internet
che mostrarà su la realté da vigni dí, al se sviluparà dantadut l marketing aladò de si somesc y di interesc economics, plu propaganda te vigni vers y samben ence plu stieres de laour tl setour terziar. Aldò sarà ence gran l potenziament dles infrastrutures: stredes, trasport, aeroports, spezialisazion dl personal: ciancèrs, trasladours, operadours a livel internet per les azetazions y les comunicazions y i.i.. Trueps ladins che volará laoré tl setour turistich giatarà n post y podarà restè tla Ladinia empede messei jì demez. Ma al sarà de en gré via debujegn de jent da foradecá, de imigranc che ne daidarà dessegur nia tegní su la cultura ladina. En gaujion de valch festa podarái ence se mete a paiament l guant da zacan per fé la comedia plu da rì.
La chestion dla UNESCO é dantadut n problem economich, sciche al é economich l fatour "Dolomiti Superski": n podei economich che ti dà da laour y che tira adalerch tres sia organisazion jent a se tripé sun la neif. Y chest é dut. L mond ladin ne conta nia y dla idea de unité politich-aministrativa dla Ladinia nience l'ombria. Al podei economich interesseia demé les zifres, l numer di patins che passa tres si implanc portamont. Tres la marca "Unesco" vegnirá l problem economich ciamò plu sterch. Sce la Ladinia ruva sot a la sconanza dla Unesco spo messárala ben azeté en valgunes regoles per stravardé la natura. Ma de chestes regoles ne vuel degugn audì rejonan. Perchel pòn dì che ala se tratarà de n Superski Dolomiti renforzé y potenzié con duc i danns a la natura. Piec ciamò: l capital tres deplù te mans forestes.

 
Liams emparentés
· Deplú sun l tema Natura
· Chier te noeles


L articul plu liet te chest tema Natura:
N consei per na bela roda da d'isté


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Dolomites: Monument natural Mondial dla UNESCO (ponc: 1)
da Claudio ai 15 March 2005 da les 15:38:30
(Infos sun l utilisadour | Ti mané n messaje privat)
Encer chel á empò Durnwalder l plu ciorvel, el dij che al se trata de valorisé bele i teritores sot a sconanza, vuel dí i parcs naturai tles Dolomites che taca en pert ence adum, Fanes-Senes-Braies con les Dolomites Ampezanes ..... i ne messon nes fé degunes ilujions, jent vegnirál empò adalerch tres deplú, con o zenza Unesco, con l´Unesco regoréssel magari valch sciold en plu per la sconanza .....


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.366 seconc