benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

ASIS: enrescida scientifica
scrit ai 06 March 2005 da les 17:49:51 da noeles

Cultura


Les rejonedes dl'Italia dl Nord te n database on-line

Al vegn enrescí les desvalivanzes tla sintassa de duc i dialec talians dl'Italia setentrionala, dl ladin y furlan 

L projet ASIS (Atlant Sintatich dla Italia dl Nord) é n program de archirida linguistica metú en pé da l'Université de Padova con l fin de registré y de analisé les variazions sintatiches di dialec talians tla Italia dl Nord. La banca dac é on-line y daverta a duc. Desche al é usanza tla facolté de romanistica de Padova ne vegn l ladin y l furlan nia vedus desche sistems linguistics a pert dai dialec talians, ma tl tiesciú dialetal nordtalian. An i definesc "arcaics", ametan indiretamenter che al se trata empò de varietés loghedes al our y conferman enscí sia desvalivanza.


Les desferenzes de majera relevanza anter ladin-retoroman y i dialec talians é tres les medemes: palatalisazion de -ca- y -ga- (che vegn endere ence dant te valgugn dialec al confin, les enscidites anfizones, ma d'inrer y nia generalisedes), plural en -s, mantegniment di liams -pl-, -fl-, -gl-, -cl- y e.i. A pert chest é l atlant interessant, davia che an ciafia da vedei empera les medemes frases te n grum de formes dialetales talianes dl nord, plu furlan y ladin dles Dolomites, che é dret desvalives anter eles sibe tles paroles che tla sintassa. An veid enscí p.ej. tant forest che al é l dialet dla Val Biois/Agordin (che reclameia de ester "ladin") da chel dl Sela. L rumanc di Grijons ne é nia sclut ite. Per la Ladinia giáten desche ponc de relevament: San Linert y Corvara tla Val Badia y Selva te Gherdeina.

L liam al sit: http://asis-cnr.unipd.it/query.en.html


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: ASIS: enrescida scientifica (ponc: 1)
da Jandaniel ai 12 March 2005 da les 19:30:27
(Infos sun l utilisadour | Ti mané n messaje privat)
L talian dess embracé dialec dal sizilian tl sud al lomert sunsom les Alpes al confin svizer. Te chest cheder él demarevueia che al ne dess nia ester na majera unité linguistica anter trei "raions ladins" do rata damprò anter ei. Na vijion politica ....


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.390 seconc