benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Letra daverta al assessour Mussner: massa dinés al ert
scrit ai 02 March 2005 da les 17:18:53 da noeles

Cultura

 

"Ert moderna ladina" o cultura dal aut

I fruc dl concurs dal aut crieia plulere delujions ti vijitadours - la soula ousc che lauda é l Ofize stampa dla provinzia 

de Umbert Cians

Stimé assessour Mussner, se mené picé di artisc’ é n bon sentiment, ma pertene che vigni novité sie ert, y ert da mostré publicamenter con i scioldi dl “Lond”, chest va n puech soura la compascion normala fora. Da tres él gnù dit che na bona pert de cie che an miena ert é n “nescio quid”, y tl caje dla mostra tla galaria Prisma de Bulsan se tratova propi, aldò di vijitadours, de na cossa nia da capì. “Flus d’aisciuda”, les operes d’ert di artisc’ ladins joegn pér propi seces, menedes entourn dal vent. Chesta l’imprescion ch’an à abù vijitan la mostra “videodigital” tla galaria d’ert Prisma de Bulsan. La mostra dess raprejenté l prum pest de promozion di joegn artisc’ ladins organisé dal assessorat a la cultura ladina. Cater, cinch fotos animedes, metudes en moviment da aparac eletronics.



Rie da dì sce la bravura é dl fotograf o di aparac. N multimedial che pò valei per l marketing dla moda, dla publizité. Ma an ne veid nia dret l produt che vegn reclamisé. L’ela te sia feminilité, te sia souldum (soulité), te sia delujion consoleda da n cian pirotecnich, plen de colours? Sce na mostra plej spo éla vijiteda da truepes persones, ajache vignuna de chestes nen baia ben y deida pro a mané d'autri vijitadours. Pro chesta mostra é stés i vijitadours dassen puec y samben desplajus, sce no éssei fat reclam. L sotescrit, do avei vijité la mostra, à envié n depenjadour y scultour a jì a ti cialé. Imprescion: “Al é valch de nuef che reverda i media-digital. Ie son usé a l’ert statica. I scoute, ajache i ne volessa nia me falé”. Ence la stampa à scouté: Die neue Sudtiroler Tageszeitung à demé dé la notizia dla mostra l dì dla daurida. La FF à dit la juebia dla mostra: “noch etwas Ungewohnliches. Was bei der herkömmlichen Kundschaft auf wenig Verständnis trifft, genauer gesagt auf die volkstümliche Meinung, das kann ich auch... man sieht einen Stuhl, einen Hund, eine Frau, ein Leopardenfell, eine hoch subjektive Mischung, die vielleicht ein Leben erzählt”. La soula ousc che lauda y fej reclam é l Ofize Stampa dla Jonta (LPA) y samben per todesch sun la rubrica “Dala Ladinia” dl sfuei “Dolomiten”. An pò lieje les paroles dites dal assessour Mussner en gaujion dla daurida dla mostra: “Kunst widerspiegle (scrit “wieder spiegle”) einerseits Traditionelles der ladinischen Kultur; öffne sich aber auf der anderen Seite auch Neuem. Dafür seien die Arbeiten von Tavella ein Beispiel. Tavella hatte beim Wettbewerb “Flus d’aisciuda” nämlich die Jury vor allem durch ihre Arbeit mit den neuen Medien überzeugt”. Domanda: É propi chesta la mostra che à giaté l pest da la giuria? I dà pro d’ester n musc te certa ert, ma empò m’enfidi da dì fora mia minonga: vignun à l dert de passé sie temp lede sciche al miena y somié de garaté n gran artist fajan mostres te sia ciasa, ma che n assessour, per mostré sie podei, ti feje na mostra a Bulsan con i scioldi publics, chest é massa. Sce an pò compré la ousc dla jent scempla con n pugn de ciastegnes, él saurì da capì che n artist damane cotant deplù. Y Mussner dà. Chest é ence l frut dla cultura dal aut.
N’autra proa che les cosses va te chest vers veiden da n auter comunicat stampa dla provinzia revardent l sostegn per la cultura dl grup ladin. Chilò végnel dit: “Per l sostegn artistich él gnù metù a desposizion 419.662 euro”.  Al é ben veir ch’al nes é vegnù dit ch’ala se trata de n fal de stampa, ajache pro chesta soma féjel ence pert i contribuc a en valgunes Unions. Ma l toch de tourta ai artisc’ resta empò dassen gran.  “Cie patuc! Chesta l’ert ladina joena?, dijova la jent. N puech de respet dla mendranza!


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Letra daverta a l assessour Mussner (ponc: 1)
da giatfosch ai 02 March 2005 da les 21:36:43
(Infos sun l utilisadour | Ti mané n messaje privat)
"Wir wissen, daß die Macht daran interessiert ist,
daß alle Kunst die Grenzen der Harmlosigkeit
nicht überschreite."

Günther Eich



Re: Letra daverta a l assessour Mussner (ponc: 1)
da Joepl ai 04 March 2005 da les 14:48:48
(Infos sun l utilisadour | Ti mané n messaje privat)
Ie dijesse ence che U. Cians ti fej tort a l'artista che dess avei sia liberté ..... ie rate plutost che l autour ae dantaldut volú critisé coche i scioldi a la cultura ladina vegn investis da pert dl assessorat ....



Re: Letra daverta a l assessour Mussner (ponc: 1)
da giatfosch ai 04 March 2005 da les 14:05:09
(Infos sun l utilisadour | Ti mané n messaje privat)
al é da injunté: nia cuntra l'artista, la letra daverta n'é chilò nia iüsta. I lasciun ai esperc d'ert la critica d'ert!
Le gran defet é la politica de sovenzianament, che dà fora somes gran por l'ert y por folklor por avëi spo na gran varizia te cuestiuns de lingaz.
L'intenziun é chera da se zidlé artisc che mess dì giulan ... wes Brot ich ess



Re: Letra daverta a l assessour Mussner (ponc: 1)
da travers ai 03 March 2005 da les 10:07:26
(Infos sun l utilisadour | Ti mané n messaje privat)
I signours dla politica à dagnora abù simpatia per artisc' o pseudoartisc' che se tripa con sperimentazions tecniches y ai i finanzieia gen a na moda che ai ne desturbe nia con messajes soziai y politics, ratés da chisc benefatours dl umanité schiche envit a la revoluzion. Vigni critica vegn edormedida via dantfora con i scioldi.
Cie nen dì? L'ert é samben ence sperimentazion tecnica ma i gran artisc' à metù la bravura tecnica-formala a desposizion de sperimentazions tematiches, de na (re)interpretazion dla realté, dl om te sie liam con l mond. Ma i savon che l'Autorité (gliejia, stat, govern, etc. ) ne à mai cis aprijé che zachei feje domandes critiches sun chi che é sun l scagn dl podei "per grazia dl ciel". L artist dess laudé i signours o almanco scouté chiec spo vegniràl premié con scioldi, laudes y pesc'.
Fazit: l louf muda l polam ma nia l viz.



Re: Letra daverta a l assessour Mussner (ponc: 1)
da giatfosch ai 03 March 2005 da les 11:20:42
(Infos sun l utilisadour | Ti mané n messaje privat)
wes Brot ich ess, des Lied ich sing ...


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.389 seconc