David Lardschneider é l prum diretour dla Generela
Chisc dis s'á abiné l Consei diretif dla Generela per sourandé les enciaries - Concurs dla Union Generela y dla Maratona dles Dolomites
David Lardschneider é l prum diretour dla Generela, na enciaria veduda dantfora aldò dl statut nuef. Lardschneider ne é nia n mus nuef, ma bele da agn emplié dla Generela desche redadour tl ofize dla Usc di Ladins de Gherdeina. Te sia pruma senteda á l Consei Diretif dla Generela ence nominé i doi vize-presidenc: ala se trata dl fascian Riccardo Zanoner y dl'ampezana Elsa Zardini, che formeia adum al president l Ofize de Presidenza. Lardschneider sourantol na enciaria zitia: al diretour ti tóchel de elaboré n plan de laour y les strategies de politica culturala dla Generela. I temps ne é nia sauris.
Te sia pruma enconteda á l Consei ence dé pro n projet che lieia la Union Generela a la Maratona dles Dolomites, tamben presieduda da Michil Costa. Al reverda n concurs de dessegns anter i scolars dles scoles elementares de duta la Ladinia che vá sot al titul "N agnul per Te", l slogan dla Maratona dles Dolomites de chesta outa. I miours dessegns gnirá premiés en chesta aisciuda.
