benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Sic ladins sun internet
scrit ai 25 February 2005 da les 17:00:53 da noeles

Cultura

 

I Ladins met man da colonisé l "planet internet"

Tres la rei végnel pité informazions, servisc y aorela curta - Aluesc ence forums - Sic istituzionai desche la Comunité de val y l ospedal sbaufeia l ladin

I ladins met man da colonisé l "planet" internet. Tres deplú unions, mo ence impreises sent l debujegn de se prejenté y de ester interatifs sun internet, mostran sies ativités tres test y fotos. I sitesc da la Val Badia é metus ju naturalmenter tl lingaz ladin canche l rai de interes é dantaldut local. Te Gherdeina se múdela. Chilò é les plates internet scialdi bilinghes o trilinghes, datrai demé per todesch, ma ales deventa plu "ladines" envers a denant. A pert en valgunes ezezions pòn vedei che i privac vá dantfora, depierpul che les istituzions zotoreia do.



Valch sic é graficamenter dret ben enjignés, depierpul che d'autri é plu scempli. Al é da moié che Ladinia.net che dova ester n portal per cueie adum dut te na rei é resteda a mez-troi y ne ademplesc nia chesta funzion. Dant da puech é ju on-line l sit dl comun de San Martin de Tor. Scialdi demarevueia é l sit dl comun de La Val (www.laval.it)  tla Val Badia, l soul che informeia si zitadins demé per todesch, ence sce aladò dles desposizions fóssel oblié da l fé ence per ladin desche istituzion. Scleta se stála con les plates di Servisc Sanitars, p.ej. ospedal da Bornech y  la comunité de Val de Puster, che vegn demé pitedes per todesch y talian, sceben che almanco tl zircondar de Puster él deplú ladins che talians che se nuzeia de chestes strutures. L ospedal da Bornech á vedú dantfora la pert ladina, ma ala ne é nia vegnuda realiseda enfin a sen. Tl comun de Ciastel, pro chel che al auda na pert de Gherdeina y che al viv deplú ladins che talians, ne spieien nience nia de ladin. An veid mefo, con dutes les declamazions verbales, che les istanzes todesces ne á deguna prescia con l ladin.
Na picera lita di sic ladins "nuefs" che an enconta sun internet (ciala ence sezion di liams de noeles.net):
 
 
UNIONS Y LIES
 
Lia da Munt Mareo: http://www.avsmareo.com
 
Uniun dl Sport da Lungiarü: http://www.uslungiarue.it
 
Uniun Rodes Val Badia: http://www.rodesvalbadia.org
 
 
INFORMAZIONS DE BANCHES Y DE IMPREISES
 
 
Informazions dla Sea (sorvisc, energia, ambient) : http://www.sea.bz.it/
 
Implant eletrich La Val: http://www.ael-eww.it/
 
COMUNS
 
Comun de San Martin de Tor: http://www.comun.sanmartindetor.bz.it/
 
Net nia de ladin depierpul, Comun de Ciastel: http://www.gemeinde.kastelruth.bz.it/
 
SERVISC AI JOEGN:
 
Sorvisc ai Jogn Val Badia: http://www.jogn.it
Servisc ai Jeuni Gherdeina: http://www.njg.it

 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.388 seconc