benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Bulsan: tofles che spliga l monument dla Vitoria
scrit ai 23 February 2005 da les 18:01:59 da noeles

Cultura

 

Na tofla spliga l monument a la "Vitoria" 

Enier él vegnú destopé ofizialmenter les tofles che dess storizisé l monument dla "Vitoria" a Bulsan, ence per ladin (standard) 

"Chest monument é vegnú metú su entratant l regim fascist per zelebré la vitoria dla Talia tla Pruma Vera Mondiala. Ala á amarscé l destacament dl Tirol y la separazion dla populazion de chesta tera da sia patria austriaca. La zité de Bulsan, ledia y democratica, condaneia les despartizions y les descriminazions dl passé y vigni forma de nazionalism, se tolan dant de promueve con spirit europeich la cultura dla pesc y dla fradaia. 1926-1928 / 2004".  Per cie che reverda l ladin, él da noté che l test é te ladin standard.



“Questo monumento fu eretto durante il regime fascista per celebrare la vittoria dell’Italia nella Prima Guerra Mondiale. Essa comportò anche la divisione del Tirolo e la separazione della popolazione di questa terra dalla madrepatria austriaca.
La Città di Bolzano, libera e democratica, condanna le divisioni e le discriminazioni del passato e ogni forma di nazionalismo, e si impegna con spirito europeo a promuovere la cultura della pace e della fratellanza. 1926 – 1928 2004”

“Dieses Denkmal ist vom faschistischen Regime errichtet worden, um den Sieg Italiens im Ersten Weltkrieg zu feiern. Dieser brachte die Teilung Tirols und die Abtrennung der Bevölkerung dieses Landes vom Vaterland Österreich mit sich. Frei und demokratisch verurteilt die Stadt Bozen die Zwistigkeiten und Diskriminierungen der Vergangenheit und jede Form von Nationalismus und verpflichtet sich im europäischen Geist die Kultur des Friedens und des Zusammenlebens zu fördern. 1926 – 1928 2004”

“Italy’s fascist regime erected this monument to celebrate victory in the First World War, an event which brought with it the division of Tyrol and the separation of the population of South Tyrol from Austria, their mother country. The City of Bolzano, a free, modern and democratic town, condemns the discrimination and divisions of the past, as well as all forms of nationalism and pledges its commitment to promoting a culture of fraternity and peace in the true European spirit. 1926-1928 2004”

Chest é l test te 4 lingac (talian, todesch, ladin y ingleis) che vegn dant sun les tofles metudes a manciancia y a mandreta dla streda che conduj dal pont Talvera al monument dla "Vitoria"  per storizisé l'opera de Piacentini. Les tofles é vegnudes destopedes enier dal ombolt de Bulsan Giovanni Salghetti Drioli,  deberieda al vize Elmar Pichler Rolle y duta la jonta dl comun. Aladò dl ombolt Salghetti Drioli "n moment important de reconziliazion per la comunité de zité". El enstes vegn da na familia che á messú s'en sciampé da l'Istria do la Seconda Vera Mondiala.

N test curt, l minim sun chel che la jonta comunala fova a una. Demez él vegnú lascé paroles desche "n temp de soferenza y de ingiustizies devers la populazion todescia" che la Svp volova mete ite.

L monument a la "Vitoria" é dutaorela n tema dret zite tla politica comunala a Bulsan, n borei che meina  vignitant valch tiza. Nia die ca fòvel vegnú refudé da pert dla maioranza di zitadins de Bulsan  te n referendum la scomenciadiva dl comun de ti dé a la plaza l inom de "Plaza dla Pesc" empede "Plaza dla Vitoria". Les tofles á messú vegní toutes demez. (mp).


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Bulsan: tofles che spliga l monument dla Vitoria (ponc: 1)
da giatfosch ai 23 February 2005 da les 19:49:50
(Infos sun l utilisadour | Ti mané n messaje privat)
al fô begn gran ora da "depotenzié" chesc monument, almanco n püch.
Y segn spo podesson meter sön i jus dl Sela y dl Cialunch tofles por comemoré le gran tort fascist ciamó impè, la tripartiziun - ince tl sens dl vedl Tirol.



Re: Bulsan: tofles che spliga l monument dla Vitoria (ponc: 1)
da Dolasila ai 23 February 2005 da les 23:11:13
(Infos sun l utilisadour | Ti mané n messaje privat)
sce, la talianisaziun che chesc monument simboliseia à bele dan da tröc agn albü söa fin, la tripartiziun fata da Benito por l'assmiliaziun di ladins é dötaurela n forza. Gran ora da meter so tofles. Sce nosta politica foss antifascista, essera bele dadî fat i pröms varesc por les tofles.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.366 seconc