benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Col de Santa Lizia: Istitut Ladin Cesa de Jan
scrit ai 21 February 2005 da les 15:55:51 da noeles

Fodom

 

Durnwalder: n luech per mete projec concrec sun meisa

Durwalder: gran laut per i Ladins da Souramont - Al fej la proposta de mete a jí encontedes anuales ta Col per mete projec concrec sun meisa - Reolon: i Ladins di 18 comuns selans con Ampez dess se mete adum y formé n consorz

Per un n dì, Col de Santa Lizia é deventé l embracion politich y cultural dla Ladinia storica dl Sela. En domenia él ruvé, sot al Poure, duc trei i presidenc dles provinzies de Belun, de Trent y de Bulsan (foto: Reolon, Durnwalder y Dellai) per enaudé o miec batié, i locai nuefs dla Cesa de Jan olàche l Istitut Cultural Ladin di trei comuns de Fodom, Col y Ampez giatará alberch. En dì da segné a grassin sun l calender storich de chestes trei comunités, che do agn de laour, de discuscions y de dezijions nia saurides, é ruvedes a porté a termen n projet per la conservazion y la valorisazion dla cultura ladina. Y chest en plena autonomia y sun na streda desferenta da duta la neo–ladinité tla provinzia de Belun, che essa depierpul volù omogeneisé y deleghé secui de storia y de tradizion. A Col á ence lerch la bandiera ladina te ocajions ofiziales.



Na neo-ladinité che, do de gran rejonedes de unité anter les animes ladines, ne s’à nience prejenté con rapresentanc ofiziai. Con Reolon, president dla provinzia de Belun ne fòvel defat nia vegnú empera la assessoura a les mendranzes, Daniela Larese Filon, che é ence presidenta dl Istitut ladin de Bourcia de Ciadoura o almanco n sie raprejentant. Da l'autra pert depierpul án vedù i stac maiours, sie de Trent che de Bulsan, con l president Dellai y l assessour Luigi Chiocchetti da una na pert y l president Durnwalder con l assessour Florian Mussner da l'autra pert. Dantfora samben, ence i Capicomuns, Pezzei per Fodom, Frena per Col y l vize de Ampez, Bruno Dimai Fileno. E spo duc i raprejentanc dla cultura ladina: dal neo president dla Generela, Michil Costa acompagné da Nani Pellegrini y Hilda Pizzinini, i presidenc dles unions ladines, delegazions de istituc  y de assoziazions ladines de dutes les vals dl Sela y l president dla Comunité Montana Agordina, Rizieri Ongaro. Prest doicent les persones che à tout pert, te n dí de sajon auta da d'invern. L prum a ruvé é propi sté Durnwalder che à renunzié a tò pert a les comemorazions a onour de Andreas Hofer per ruvé ta Col. Do la messa él gnú daurì ofizialmenter i locai apeina derturés dla Cesa de Jan. L capocomun Paolo Frena ti à sourandé al president dl Istitut, prof. Vito Pallabazzer y al diretour, arch. Paola Agostini, les cleves dla Cesa y ai à spo firmé l contrat de afìt con l Comun. Sun plaza fòvel dut enjigné per les rejonedes dles autorités. I presidenc dles provinzies à reconesciú ai trei comuns l gran sforz fat per mete en pé l Istitut. N ejempl de colaborazion che Durnwalder à laudé y reconesciú, dijan che valch de tel ne veiden gonot nience te Südtirol. Souradut per l coraje de n pice comun desche Col che s’à emplanté y á porté a termen n projet tant ambizious zenza les poscibeltés economiches che d'autri á, desche per ejempl l comun de Ampez. Y propi dal Landeshauptmann de Südtirol él pié via n’idea nueva, atira azeteda ence dai autri doi colegs: chela che tl Istitut de Col déssel se abiné, almanco n iade al ann, i raprejentanc dles trei provinzies per descore, laoré y mete sun meisa projec concrec per i Ladins. Desponibelté de laoré deberieda é vegnuda ence da Dellai y da Reolon. Chest ultim cis, al á sciuré su l’idea de n consorz anter i 18 comuns ladins storics desche pont de referiment important olàche les trei provinzies podessa laoré deberieda. Paroles cleres ence cheles dl capocomun de Col, Paolo Frena, che á laoré en pruma persona y che à cherdù te chest projet. “ Nos ladins”, àl dit "son usés a laorè con pazienza y determinazion per nes fé valei nosc derc tl respet dles leges. I ne podon nia plu azeté che an se recorde di ladins demé tla campagna litala canche al va debujegn de giaté valch ousc. I ne volon nia plu vegní coienés y strumentalisés, da degugn".
 
Lorenzo Soratroi

 
Liams emparentés
· Deplú sun l tema Fodom
· Chier te noeles


L articul plu liet te chest tema Fodom:
Truep entusiasm per mete su na compagnia de scizeri


Valutazion dl articul
Cumpeida mesana de oujes: 3
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Col de Santa Lizia: Istitut Ladin Cesa de Jan (ponc: 1)
da travers ai 21 February 2005 da les 16:39:53
(Infos sun l utilisadour | Ti mané n messaje privat)
"I ne volon nia plu vegní coienés y strumentalisés, da degugn".
Paroles santes cheles dl ombolt P. Freina, ma i rate che ales ae debujegn de n sclariment y de na enjont: I ne volon nia plu vegnì coienés y strumentalités dai ladins enstesc, da chi ladins che ti fej l fant y la fancela a partic y enteresc foresc'.



Re: Col de Santa Lizia: Istitut Ladin Cesa de Jan (ponc: 1)
da giatfosch ai 21 February 2005 da les 20:05:32
(Infos sun l utilisadour | Ti mané n messaje privat)
beles parores da Durnwalder, mo mefo mâ parores.
Miú fossel sce so guern provinzial toless jö la proibiziun dl ladin standard tl aministraziun publica. Proibiziuns de lingaz - anfat te ci forma - n'á nia da chirí te na demorazia.
Impò é Durnwalder plü davert tla cuestiun ladina
che düc i ombolc ladins cumpedês adöm.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.443 seconc