"Acajo" y "Jean Daniel Granruaz & Band"

Conzert de mujiga moderna ladina: en mercui, ai 9 de merz tl Carambolage a Bulsan, da les 21.00 inant

La Consulta per i problems ladins tl Comun de Bulsan envieia al conzert  con l grup "Acajo" y "Jean Daniel Granruaz & Band" che vegnirá tegnú tla pice teater Carambolage tla via Argentieri/Silbergasse a Bulsan, ai 9 de merz 2005 da les 21.00 inant. I "Acajo" é bele valgamia conescius per sia longia ativité musicala. Chi ne se recorda pa nia i temps dl "Ladiniatour". "Jean Daniel Granruaz & Band" da la Val Badia depierpul á abú sies prumes raprejentazions ti ultims agn. Al cianta sibe per ladin che ingleis. La seira pieta na ocajion per conesce les ativités y i talenc tl ciamp musical ladin. Te Gherdeina y tla Val Badia él truepa busia musicala con truepa vueia de sperimenté anter i joegn. Foto: Jean Daniel Granruaz.

L grup ”Acajo” é metù adum da Raimond Irsara (chitara, Sax, ousc), Walti Moroder (clavier, chitara, ousc), Hansjörg Kostner (ousc, chitara), Viktor Canins (contrabas, ousc) y Georg Malfertheiner (bateria, congas, ousc).
Tl curs de sia colaborazion musicala à i cinch musicanc da Urtijëi laoré fora n stil dl dut personal, nia da abiné ti schems tradizionai dl pop, dl rock o dl jender folk. Dagnora per ladin, sie lingaz dl’oma, ciàntei de temesc bendebot desferenc anter ei sciche l ambient, l amour, la vera o la mort.
 
Laprò saràl ence l chitarist Jean Daniel Granruaz da la Val Badia con sies composizions per ladin y per ingleis a viventé la seira.
Te sia mujiga se mesceidel tesc’ poetics y na armonia de basa jazz con desferenc influsc musicai, dal pop al flamenco enchin al bossa nova per ruvé al rock. Piccolruaz é compagné tl Carabolage da Alessandro Trebo (clavier), Phil Mer (bateria), Max Castlunger (percuscion) y Carmelo Leotta alias Leon Price (contrabas).
 
L conzert é en mercui ai 9 de merz 2005 a Bulsan tl Pice Teater Carambolage. Al scomencia da les 9 da seira. Entreda debant.
 

Liam al sit internet di "Acajo", oláche al é meso desçiarié valch *.mp3: www.val-gardena.com/ acajo/