Da l’Intendenza Ladina: calender di ejams
scrit ai 10 February 2005 da les 18:11:58 da noeles
L calender provisore per i ejams é sen dant man
I prums ejams bele ai 22 y 23 de fauré
Tl’Intendenza ladina él sen dant man l calender provisore per i ejams de concurs dles ensegnantes y di ensegnanc dles scoles ladines. “La maioura pert di ejams scric sarà ti dis entourn les festes da Pasca” à dit l ispetour dla scola ladina Lois Ellecosta. Doi ejams vegnirà bele tegnus a la fin de fauré, y plu avisa “Fotografia y grafica publizitara” y “Pitura”.
Acioche les ensegnantes y i ensegnanc che tol pert ai ejams de concurs per les scoles ladines posse se anoté les dates te sia ajenda à l’Intendenza ladina metù adum n calender ben struturé. Sun l calender él ence i termins indicatifs di ejams a ousc. Chisc vegnirà per la maioura pert tegnis de mei. Per i ciamps spezifics “Fotografia y grafica publizitara” y “Pitura” é i termins fissés per i 22 y i 23 de fauré 2005. Chisc vegnirà tegnis tla scola d’ert a Urtijei y metarà man da les 9 dantmesdì. Les candidates y i candidac é priés de se prejenté con puntualité y de se tò empera n document de identité che vel. Chest vel samben ence per duc i ejams che à da vegnì. I orars y i posc’ olach’al gnirà tegnì i ejams scric dles autres materies vegnirà lascés al savei per temp da l’Intendenza ladina. (osp)
