benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Cesa di Ladins: simbol che fej gola
scrit ai 18 January 2003 da les 12:56:44 da noeles

Politica

 

Perde la Cesa fossa n auter sclaf de sotmiscion - A cie titul damana pa Konrad Piazza perdonanza?

de Umbert Cians

Al é freit, ma valgugn à empò i nerfs ciauc y bonamenter trac. Chisc valgugn miena de ester dassen importanc, de ester conscidrés da vigni pert y perchel ti tòmel enchinamai ite de se autolité rapresentant de na valeda y de rejoné a inom de duta la valeda. Vignun à l dert de dì sia minonga, ma nia de se identifiché ti autri. Sce valch ne ti scusa nia a d'el, ne vuel chest nia dì che chest vele ence per i autri. Te chest caje la pensa propi trueps autramenter, almanco i 360 sozes dl'Union di Ladins de Gherdeina.

 



An po mete pro ence gran pert de chi dl museum. Duta la polemica entourn la Cesa di Ladins a Urtijei à dessegur daidé pro a sclarì la chestion. Ala se trata de n frabicat privat, olache al laora cotan de unions culturales. Demé bele savei che l frabicat tol ite la redazion dla Usc di Ladins, l'organ de informazion de dutes cinch les valedes ladines fej odei ite l'importanza dl local. Sce an conscidreia che laprò auda ence l museum de Gherdeina cun la documentazion de Luis Trenker, pona veiden ite che la cossa, l frabicat, fej gola. La chestion deventa perchel politica. Ala se trata de interesc y dailò é vigni viertola bona per pretene na aminsitrazion publica. Samben lauden les maioures garanzies per l mantegniment y sie svilup, ma chest iade ne voléssen nia svilupé l aspet finanziar dla cossa, ma mostré su chel ridicul de duta la chestion. L aconsiadour Carlo Willeit à bloché l bilanz provinzial, davia che el volova n contribut per la Cesa, zenza condizions, tegnan cont dl gran servisc dl frabicat per l svilup dla cultura y dla informazion ladina. Al ne à nia fat polemiches, se damanan a cie moda che al vegn spenù tan de milions p.ej. per la plaza di fligri a Balsan y per les firmes de jole: Tyrolean Air enlaouta y Air Alps encuei, dutes firmes privates y a tantes d'autres. Willeit é resté te sie ciamp y à defenù la mendranza ladina, davia che la Cesa é a servisc de duta la mendranza y no demé dla populazion de Urtijei. La Cesa é un di puec simboi dl'autonomia ladina, perde la Cesa fossa propi n auter sclaf de sotmiscion. No y mai! Tegnan cont dla dreta dimenscion dl problem dla Cesa di Ladins veiden ite tant fora de mesura y antiladines che les paroles dl ombolt de Urtijei Konrad Piazza é. Sia cultura ladina é chela dla plata "Dala Ladinia" tl sfuei Dolomiten, todescia y basta!
Piazza ne rejona nia ai ladins, ma ai todesc y perchel pòn capì a cie moda che al damana perdonanza ai todesc. Gauja: l truep empegn de Willeit per i ladins y nia demé tres dantfora per i interesc di todesc. Propi rie da odei ite a cie moda che an dess damané perdonanza. A cie titul damana pa Konrad Piazza perdonanza a inom di gherdeines? él vegnù autorisé da n referendum?

An conesc pu sia politica de ciampanilism, en chest iade vuelel strumentalisé na chestion "privata" per na bela figura dl comun. Ma aldò dles ultimes nueves, do l'enconteda danter Union y museum, semeiel che an se acontente de n proiet plu pice, ma che l posse valei l prinzip, "Pice, ma mie".

Aldò dl radio ladin da encuei (18.01.2003) ti dà rejon a Piazza y se solidariseia empera sibe l assessour ladin en ciaria Florian Mussner che l rapresentant SVP de Gherdeina, Cristoph Perathoner. Duc canc pro la medema fana che cuej la medema juefa.


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.5
Oujes: 10


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Cesa di Ladins: simbol che fej gola (ponc: 1)
da giatfosch (badiot@hotmail.com) ai 18 January 2003 da les 14:58:45
(Infos sun l utilisadour | Ti mané n messaje privat)
sci: nia recunescer Willeit sciche rapresentant lité, mo cherdé ite te guern un nia lité y n ambolt che ô deligitimé le rapresentant lité.
La democrazia ne val nia?!

Piazza che preia pordenanza por val de bun che Willeit à fat.
Y Mussner y Perathoner che "si scaglia" cuntra chi che defenn les rajuns dla cultura ladina.

Mussner: l'assessur ala cultura ladina che deida meter sot a presciun les uniuns impede les daidé.




Re: Cesa di Ladins: simbol che fej gola (ponc: 1)
da travers ai 18 January 2003 da les 15:25:38
(Infos sun l utilisadour | Ti mané n messaje privat)
Sön la strada de Frara, dala pert gherdëna, pòn lì sön n te' mür: "Ladins, ne stede nia a ves vëne fora osc grunt" (a cez da insciö). Valch de te' podéssen ince scrì sön la Cësa di Ladins: "Ladins, ne stede nia a dé ia osta ciasa ai foresc' per n per de scioldi".
Tl vocabolar traditional ladina ne unse nia la parora 'patria' mo 'ciasa' sciöche lüch di sentimënc. La Cësa di Ladins é plö che n simbol, al é la sënta dles organisazion che raprejentëia l'autonomia di Ladins. Perde la Cësa oress dì perde l'enciasa.



Re: Cesa di Ladins: simbol che fej gola (ponc: 1)
da giatfosch (badiot@hotmail.com) ai 18 January 2003 da les 16:50:04
(Infos sun l utilisadour | Ti mané n messaje privat)
travers, t'es tres chilò che te römes. brau!
na usc critica co toca l nojel .... sc'i ne savess nia che t'es zacai d'atri, dijessi che i sun iö. mâ inant!


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.372 seconc