benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

15eisem festival dla neif a Al Plan de Mareo
scrit ai 12 January 2005 da les 21:14:29 da noeles

Desvalives


Neif y glacia deventa scultures

A vigni scuadra ti spétel n del de neif glaceda de 3 m x 3 m, endut 27 m cubics - Partezipazion internazionala

Da 15 agn encá végnel tegní a Al Plan de Mareo l concurs internazional de scultures tla neif, enscí ence eniann en l'edema che vegn dal lunesc, ai 17 al mercui, ai 19 de jené 2005 deslanch la streda de paisc che se stramudará te na galeria d'ert alalergia, tant die che l soredl ne ti la sticará nia al ferdon. Ti ultims agn fòvel sté freit assé da abramí les scultures te neif enfin al scomenciament de merz. La jent pò cialé pro y ence dé ju sia ousc.



La partezipazion é internazionala y garantesc na ampla varieté de conzezions y de stils. A chesta 15eisema edizions tòlel pert 10 formazions da l'Italia, da la Bulgaria, dal Canada, da la Gran Bretagna, da la Russia, da la Svizra y da la Cechia, anter chestes does scuadres ciasanes: i scolés zipladours de Laas y na scuadra de studenc dla Scola Profescionala de Selva. Vigni scuadra giatará n del gigant de neif glaceda de na lungheza de 3 m (endut 27 m cubics) che ai pò laoré y limé per trei dis endolauter. Les massaries lascedes pro é desvalives: cortiei, fertrat, badii, sies a motor y d'autri ordegn che vegn adorés per laoré la glacia y la neif. Entratant duc 3 i dis de laour pò la jent ti cialé pro ai scultours y ence dé ju sies preferenzes tres na scheda, davia che al sará propi l publich che dezidará ciuna scultura che é la "plu bela". La festa de premiazion gnirá tegnuda en mercui, ai 19 de jené, da les 21.00 inant con fuesc d'artifize.

 


 
Liams emparentés
· Deplú sun l tema Desvalives
· Chier te noeles


L articul plu liet te chest tema Desvalives:
Aiut Alpin Dolomites: sajon da d'isté dant porta


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.362 seconc