benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Lista LADINS: La Consulta Ladina promuev clientelism
scrit ai 05 January 2005 da les 17:41:43 da noeles

Politica


La Consulta Ladina: demanco a les unions y deplú al clientelism

Provinzia y assessorat vuel sourantó ativités dles Unions y avisé la cultura dal aut - Les unions vegn "gleichgeschaltet"

La gran richeza culturala dla provinzia é la gran cumpeida, la varieté y cualité dles unions culturales, végnel dagnora dit con bona rejon. Ma sce chestes lies metessa man da soné demé plu sun tact, aldò di contribuc y dles direzions y dles valutazions che la politica ti dá, ti jissa la richeza ben tost a fin. Les unions culturales ladines à abú la gran fortuna da avei n pue plu de autonomia propi con i contribuc publics che ales à giaté. Sen auden rejonan de tó ju i „contribuc a sprinza" y da lascé tó pert la consulta, chel vuel dí la provinzia a l'ativité dles unions.



Chela di contribuc a sprinza da tó ju é la ciacola plu vedla y da nia, sce an conscidreia che les formes generales de contribuzion do criters valifs y obietifs- cis tl ciamp economich- é les uniches giustes che cherieia l manco dependenza. Rejoné de nia dé fora i contribuc zenza tó ju les coutes volessa dí crié na economia y na cultura de stat che sofoia la scomenciadiva privata. Daidé deplú i jogn, l´inovazion culturala, valch gran manifestazion é dessegur dret, ma chestes intenzions ne vegn nia fora de na direzion nueva dla consulta da sen, ma al é plutost l frut di studes, dles discuscions, dles relazions enviedes via da la consulta da dant. Na cossa che messessa y podessa se mudé con n assessorat aposta é l finanziament entier, nia da ti tó a chesta o chela lia, ma da auzé nia demé do l proporz, ma ence do l debujegn. Chest s'à ghiré l mandatar di LADINS vigni ann canche ala jiva da aprové l bilanz. Te na maiour dotazion sta ite ence l finanziament de valch gran manifestazion o opera che costa deplù. Ma ala va da sté pro i contribuc zenza se sostituì a les unions, da ti lascé a vignuna sie program y da lascé da na pert les notes politiches de merit o de nia merit.

Carlo Willeit

 

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.391 seconc