benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La Cesa di Ladins: La perdonanza de Konrad Piazza
scrit ai 14 January 2003 da les 16:24:23 da noeles

Politica

 

Konrad Piazza preia perdonanza - La lista LADINS: "La Union di Ladins de Gherdeina ne dess nia dè ju la proprieté" y envieia la SVP a na enconteda

Les ones levedes su entourn la chestion dla Cësa di Ladins ne se apajeia nia plu via. Encuei à tout posizion l ombolt da Urtijei Konrad Piazza te na letra ortieda al foliet «Dolomiten », prian enchinamai perdenanza a inom di gherdeines dant a la jent de dut Südtirol y slomenan da l’autra pert dassen Willeit per avei tegnù su l bilanz provinzial per chesta gauja. La resposta dla Lista LADINS é riesc vegnuda do y tamben fiersa, l president dla Lista LADINS: “Che Piazza se enrabieia contra Willeit en cont dla Cësa di Ladins fej odei clermenter sia desconescenza di fac reai, sia posizion antiladina, sie desprijé dles comunanzes ledies y dles raprejentanzes y istituzions politiches legitimes. Tres de tel declarazions se descualificheia l prum zitadin enstes », refudan enscila les paroles dl ombolt desche « nia fair, zenza fundament y desprijentes ».



«Chi che conesc veramenter la situazion en cont dla derturazion dla Cesa di Ladins, sa che Carlo Willeit s'à engajè dal scomenciament inant con dutes sies forzes per ti assiguré a la Cesa di Ladins a Urtijei n contribut  finanziar per mete man i laours nezessars de derturazion”, scriv la lista LADINS. Ala enjonta ence che fin a declarazion contrara  “lieia l govern provinzial la desponibelté de dè ca n contribut finanziar a la zescion de na pert dla Cesa di Ladins, plu avisa chela che albergeia l Museum de Gherdeina", "chesta ghiranza dla provinzia é n fat che degugn ne n’à enchin a sen trat zeruch”, végnel sotlinié. Mo “ghiré da la Union Ladins, na union che laora zenza fins lucratifs per l ben dla comunité sun l ciamp dla cultura y dl lingaz, la zescion de na pert dla proprieté, depierpul che impreises comerziales giata milions de euro de sostegn finanziar da la provinzia zenza ester sotmetudes a de tel condizions, ne é nia giustifiché”, scriv inant l president dla lista LADINS, dr. Giovanni Mischi. “La mendranza ladina dess avei l dert – sciche perauter les autres grupes etniches tla provinzia - de organisé autonomamenter sia vita culturala". 

Dl auter vers meina la lista Ladins ence fora segns de destenjion. Tres sie president ti àla ortié chisc dis na letra de envit a la SVP ladina “per se enconté danter forzes politiches ladines per se rejoné fora sun chestions olache les does forzes podessa avei ponc de convergenza a na moda de individué y envié via deberieda tl davegnì valch forma de colaurazion concreta” sciche an po lieje tla letra. La lista LADINS aspeta sen la resposta.


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 3.8
Oujes: 5


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: La Cesa di Ladins, (ponc: 1)
da travers ai 14 January 2003 da les 18:22:45
(Infos sun l utilisadour | Ti mané n messaje privat)
Brau siur Piazza, i ves aspetun chisc dis al chat cun G. Mischi. Sön plaza de noeless podarëise fà piazza pulita de dut cie al ti vëgn trat dant a Piazza. Ailò podarëise ince ti prié pordonanza ai ladins por dut ci che i eis fat cuntra sü interesc, sia cultura, si sentimënc, sia identité.



Re: La Cesa di Ladins: (ponc: 1)
da giatfosch (badiot@hotmail.com) ai 14 January 2003 da les 19:01:44
(Infos sun l utilisadour | Ti mané n messaje privat)
zenza baié de caji concrec: che esponenc politics recateia les uniuns culturales de so grup etnich ... certa jent á dlunch y dagnera fat düt l poscibl cuntra la cultra ladina, l lingaz ladin.
dagnera cuntra la sconanza dla mendranza, cuntra rajuns por la mendranza.
düt l contrar de ci che la SVP à damané por se.
Profec dla sotmisciun de n grup etnich.
Bittgangvolksgruppe impede mendranza con rajuns.
giulan !!



Re: La Cesa di Ladins: (ponc: 1)
da giatfosch (badiot@hotmail.com) ai 14 January 2003 da les 19:03:04
(Infos sun l utilisadour | Ti mané n messaje privat)
pordenanza preion normalmenter pur val de mal ch'an à fat instesc, no pur val de bun (defene les rajuns di ladins9 che d'atri à fat.



Re: La Cesa di Ladins: (ponc: 1)
da travers ai 14 January 2003 da les 22:57:33
(Infos sun l utilisadour | Ti mané n messaje privat)
Ne podèssen nia publiché la famoja lëtra de Piazza ence sun noeles.net? Nia duc lì les Dolomiten y spo la umilté dl ombolt da Urtijëi alda da gnì aprijada fora por düt l monn; al ne suzed nia vigni dé che al prëia pordenanza a inom di Ladins.



Democrazia ala ladina (ponc: 1)
da travers ai 15 January 2003 da les 10:21:26
(Infos sun l utilisadour | Ti mané n messaje privat)
Te na democrazia normala lita la jënt so o sü raprejentanc che baiai spo y tol dezijions a inom dla popolaziun. Te Südtirol unse n aconsiadù ladin lité mo le raprejentant ladin tl govern provinzial é na persona nia litada, metüda ailò por grazia dl Padre eterno. Ma al pè che chësc ne bastes nia; sëgn unse cinamai zacai che prëia umilmënter pordonanza a inom di ladins. Che ti à pa dé chësta autorité al ombolt da Urtijëi? Piazza n'é gnanca gnü cherdé dal Padre eterno, magari se aràtel al instës Padre eterno.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.439 seconc