benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Reunion generala di LADINS a Colfosch
scrit ai 28 November 2004 da les 17:24:07 da noeles

Politica


Adi Demetz é l president nuef di LADINS

Reorganisazion dl partí con n diretif nuef che se abinará tost per tó su les ativités politiches

Reunion generala dla lista LADINS a Colfosch enier, sabeda, ai 27 de november 2004: na bela sala de jent, con truepes eles y trueps joegn anterite, à dé na resposta clera al utl y al debujegn dl moviment LADINS tl interes de duta la popolazion y laprò renforzé la convinzion, che al é datant da jì inant ence zenza la reprejentanza tl Consei Provinzial i proscims cater agn. La reorganisazion dl moviment, la lita, duc a una, dl president nuef, Adi Demetz, scultour-impresar a Urtijei, la lita dl comité diretif nuef con Bertuolo Claudia, Lori Mussner, Stuffer Matilde de Gherdeina y Thaler Roland, Costamoling Willy, Trebo Hans dla Val Badia y Dariz Dolores da Bulsan, la bona cumpeida de iscrizions nueves, la segurté che l vedl president Giovanni Mischi, l ex aconsiadour y vizepresident dal Consei Provinzial Carlo Willeit, l secreter y coordinadour Castlunger Lois y trueps d´autri daidarà inant, empermet al moviment de pié via con sie program, dantaldut de se enjigné ca per les lites de comun, con na maioura creta te sies poscibeltés.



Les relazions sun l organisazion de Lois Castlunger y Pepi Cristofolini, cheles sun l comun y sun la partezipazion dles eles y di joegn de Adi Demetz y Lori Mussner y cheles politiches de Giovanni Mischi y Carlo Willeit, laprò la conduzion y moderazion ezelenta de Rosmarie Castlunger é vegnudes apriejedes con truep aplaus y de bogn comentars tla discuscion. Anter les chestions politiches plu emportantes é gnudes tratedes: l debujegn da se delibré da la dependenza politica y culturala, da la tema da perde vantajes o protezion, sce an ne va nia do a chi che comana y à i scioldi dla cultura tla man, envian la jent, les lies y les istituzions a nia se lascé tò ledeza y coraje, les chestions davertes dla sconanza dal lingaz , di media, dla daurida dla proporzionala, dal coliament istituzional y popolar anter i ladins. L diretif nuef s'abinarà tost per valuté plu avisa i resultac dla reunion generala y per enjigné ca i programs de laour.

Miscion dl president:

L president dal  moviment politich LADINS :
Heinrich Demetz
Str. Nevel  57
39046 URTIJEI

tel: 0471/ 798359- 0471/ 797397 -3355280410
fax:0471/ 798378    e-mail :heide@dnet.it
                                                              


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.366 seconc