benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Dal Ofize cultura y scola ladina
scrit ai 25 November 2004 da les 08:50:48 da noeles

Cultura


Seires d’informazion sun i criteres per fé domanda de contribut per la cultura ladina 2005

Les lies culturales ladines pò prejenté domanda de contribut per ativités culturales a la Provinzia enchin ai 31 de jené 2005

I formulars per fé domanda de contribut gnirà portés dant dal Ofize cultura y scola ladina te does seires d’informazion ai 6 de dezember 2004 a Urtijei y ai 10 de dezember 2004 a San Martin de Tor. Dutes les persones interessedes é dret bel enviedes. L Ofize cultura y scola ladina dla Provinzia da Bulsan organiseia does seires d’informazion – una a San Martin de Tor y una a Urtijei – en ocajion dla prejentazion di formulars nuefs de domanda de contribut per la cultura ladina 2005.

jpgCultura y Intendënza Ladina



I formulars de domanda nuefs gnirà partis fora en ocajion dles seires d’informazion, en lunesc, ai 6 de dezember 2004 a Urtijei tla scola elementara y en vender, ai 10 de dezember 2004 a San Martin de Tor tl Istitut Ladin “Micurà de Rü”, dagnora da les 20.00. I formulars con les spligazions per fé domanda de contribut per ativités y investimenc culturai, ativités de formazion culturales y ativités artistiches per l ann 2005 pò ence gnì desćiariés da la rei zivica dla Provinzia sot a la miscion www.provinzia.bz.it/cultura-ladina. L termin per dé ju les domandes é ai 31 de jené 2005. Les domandes pò ence gnì ortiedes per posta a la Provinzia Autonoma de Bulsan-Südtirol, Ofize cultura y scola ladina, Bindergasse 29, 39100 Bulsan, enchin a chest termin. Te chest caje vel l timber dla posta. Per investimenc pòl gnì fat domanda entratant dut l ann. Chestes y d’autres informazions contegnudes tla zircolara enjonteda al formular de domanda gnirà spligareis entratant les does seires d’informazion. Dutes les persones interessedes é dret bel enviedes a tò pert a les seires d’informazion. (osp)

 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


tema colié / temesc coliés

Aministrazion

Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Contribuc per la cultura ladina 2005 (ponc: 1)
da giatfosch ai 25 November 2004 da les 11:15:45
(Infos sun l utilisadour | Ti mané n messaje privat)
pröm criter: se cüfé politicamenter. Ester alineés al partí de maioranza, spo va döt, y zenza ne va üüch y nia.
Incö tla FF: l'assessur Mussner i dà a na uniun da San Ciascian zirca 11.000 Euro por cumpré n auto!

mo la USLA ne ciafa nia, la Uniun Generela vegn ince castiada. Ci beles üsanzes che Mussner mët sö.




Re: Contribuc per la cultura ladina 2005 (ponc: 1)
da Dolasila ai 25 November 2004 da les 19:53:51
(Infos sun l utilisadour | Ti mané n messaje privat)
y al post de daidé i auturs ne n chiron de chi che ne val n poze por fà promoziun dô promoziun ...


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.401 seconc