benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Quo vadis Ladinia
scrit ai 24 November 2004 da les 15:14:10 da noeles

Politica


Consulta interladina

N viade tres les minonghes di ombolc - Dessegur Durnwalder plu ladin che la SVP de Gherdeina

Quo Vadis LadiniaAltamo sàn sen, do l’intervista a Durnwalder, che la cherdeda ite di ombolc dla Ladinia gnirà tost fata. Chesta redazion à prové de se fé n’idea sun les minonghes che roda anter i ombolc che gnirà cherdés a mete adum la Consulta interladina. Val Badia, Fascia, Col y Ampez é daverc a l’unificazion y ai se aoda chesta Consulta, n puech anti-todesch Fodom, contra l’unificazion Gherdeina: Demetz: "i ne volon nia perde nosc vantajes"; Piazza: "Vignun reste te sie cianton"; Bruno Senoner se damana na outa sce ala va debujegn chesta Consulta. Prudent se desmostra Durnwalder tla intervista, ence sce el crei tla valuta dla Consulta. El é dla minonga che na mioura colaborazion anter les provinzies vae tres ben per cie che reverda l trasport, la propaganda turistica, les stredes per les rodes, les manifestazions sportives, l’adoranza de valch gran zenter y e.i..



Souraldut conta per el la poscibelté de avei valch finanziament aposta da Roma per la realisazion de valch project interprovinzial. Sie prinzip é chel de ne “dì mai de no” canche al se deura valch porta de finanziament. Sce i gherdeines se tem de perde valch contribut provinzial, se cruzia Durnwalder de giaté tres y plu da Roma per daidé ence i autri ladins. Dessegur é plu ladin Durnwalder che la Svp de Gherdeina. Volei arjonje na colaborazion interprovinziala a livel de cultura, de economia, de turism y... de televijion aldò dl ejempl de Dolomiti-Superski é dessegur na bona idea, n vare inant sun l troi dla conescenza interladina, mo ala ne porta nia a la unificazion di ladins, ajache ala ne  cherieia nia coscienza politica. Vignun resta a sie post, à sie vantaje, ma l gran podei economich azionar ruva te mans forestes. I ladins ne deventa enscì nia patrons de sia tera. Enfin che al dura inant chesta situazion de mancianza de autonomia economica, manciaràl ence la coscienza dla mendranza. La dreta vera di todesc de Südtirol é steda chela per l’autonomia y autonomia te vigni direzion. L’autonomia ne scluj nia fora la colaborazion con i autri. (uc)

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.356 seconc