benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Consei di ombolc: intervista al ombolt de Santa Cristina, Bruno Senoner
scrit ai 20 October 2004 da les 15:39:33 da noeles

Politica


Dantaldut él da se damané, sce al va debujegn

Al é plu lies y istituzions che se à fat trueps meric y no demé la Generela - L Ladin Standard sarà una dles prumes chestions da pié ite

Bruno SenonerCo Ves imagineise pa chest consei di ombolc?
Dantaldut él da se damané sce al va debujegn de n tel consei. Sce sci, spo él da me enfora dessegur na bona iniziativa, ajache chest consei messarà tò ence dezijions politiches y perchel él dret che chi che tol ite na tel stiera ae na legitimazion da pert dla jent.

Bruno Senoner, ombolt de S. Cristina/Gherdeina.



La Generela di Ladins éla pa destineda a resté te n piz?
I ne son nia bon de capì, ciuldì che an dess ti dé la preferenza a una o l'autra lia culturala. Da me enfora él plu lies y istituzions (istituc culturai, pedagogics, Consulta...) che se á fat trueps meric y perchel él dessegur dret de se lascé consié y colaboré con plu lies y nia esclusivamenter con la Generela

Chest consei podaràl mo avei n influs sun i problems dla unificazion di ladins? La bandiera dla Generela (verda-blancia-blea) podesséla pa vegnì conscidreda a livel politich regional?
Chest consei pò dessegur dí la sia sun chestes chestions. Mia minonga personala é che duc i ladins tocassa pro la provinzia de Bulsan, ajache chilò él na autonomia segura sot a sconanza internazionala y perchel ne onse nia da temei per l davegnì. Chesta conseguenza vel ence per la bandiera, olache ie ne é degunes dificoltés a reconesce la bandiera blancia y cuecena dl Tirol ence desche nosta bandiera che i on perauter bele da passa 600 agn.

Ciun é pa l comportament dl consei di ombolc ti confronc dla rejoneda unificheda?
L comportament dl consei podaràn dessegur empermò vedei y savei canche chest consei gnirà costituì y tolarà posizion en chest cont. Dessegur sarà la rejoneda una dles prumes chestions da pié ite y da tò na dezijion.

Ciugn podessa pa ester i coliamenc anter les provinzies?
I coliamenc soura i confins dla provinzia fora pò y dess gnì intensifichés y chilò saràl dessegur l consei di ombolc, sce al essa da deventé operatif, da laoré fora propostes che va te chesta direzion.

Ciuna é pa la posizion dl consei ti confronc dl finanziamenc di massa media ladins?
Ence te chest caje podaràn dessegur empermò vedei y savei l comportament de chest consei can che al sarà costituì. I mass-media à dessegur na gran emportanza y ence na gran responsabelté, ma dessegur ne se lascia degugn mete sot a druch y tò posizions desferentes dal cuer y sentiment de union demé, ajache a un o al auter jornalist ne  podéssel nia ti jí a scusa.


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 1
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Consei di ombolc: intervista al ombolt de Santa Cristina, Bruno Senoner (ponc: 1)
da giatfosch ai 21 October 2004 da les 23:16:10
(Infos sun l utilisadour | Ti mané n messaje privat)
brau sce, "nosta bandiera blancia y cuecena", sciöche n südtirolesc dijess "nosta bandiera l tricolore" ...




Re: Consei di ombolc: intervista al ombolt de Santa Cristina, Bruno Senoner (ponc: 1)
da Jandaniel ai 22 October 2004 da les 08:15:55
(Infos sun l utilisadour | Ti mané n messaje privat)
Confruntan les intervistes veiden che i ombolc de Gherdeina é i plu freic devers chesta iniziativa che ne é perauter nience ciamó pieda via, degugn ne á cherdé ite i ombolc ciamò, sceben che al fossa gran ora ....
Ti comuns dla Val Badia végnel taché fora ence la bandiera ladina ofizialmenter desche i ombolc dla Val Badia dij. Te Gherdeina se témen desche l malan da l'ega santa ... ciodí pa?
An souraveid che te Tirol ne é i ladins mai vegnus reconescius desche etnia, ma vegniva aratés pro i talians en gaujion dles cumpeides dla jent ....



Re: Consei di ombolc: intervista al ombolt de Santa Cristina, Bruno Senoner (ponc: 1)
da giatfosch ai 22 April 2005 da les 20:42:25
(Infos sun l utilisadour | Ti mané n messaje privat)
no mo dì che tö t'aspetes respostes



Re: Consei di ombolc: intervista al ombolt de Santa Cristina, Bruno Senoner (ponc: 1)
da MateoTaibon ai 28 April 2007 da les 21:04:39
(Infos sun l utilisadour | Ti mané n messaje privat)
colaboraziun ea poscibla ince zonza Lia di
comuns.

Al ne capesc nia, ci importanza che la Union Generela ai - la sora uniun/organisaziun che va sora i confins de Mussolini fora ... ben ben, spo le capescel nia.

Fazit der sciompl:



wenn man den Bock zum Gärtner macht ...



News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.448 seconc