Plates internet sun i parcs naturai Senes-Fanes-Braies y Puez-Odles
N viade virtual ti parcs con spligazion de sies strutures
I doi parcs naturai Fanes-Senes-Braies y Puez-Odles á sen ence plates ladines te internet. Ales ti dà ai vijitadours dutes les informazions soura la geologia, i biotops, les jites acompagnedes y e.i.
Les plates dla repartizion natura y contreda dla provinzia de Bulsan, che tol ite ence i set parcs naturai de Südtirol, à cumpedé plu de 165.000 vijitadours entratant l ann 2003 con n valour mesan de 450 vijitadours al dì. Tl 2004 (enfin a mez otober) é l valour mesan ruvé sun 618 vijitadours al dì con valours de mascima che ruva soura i mile. En chest ann á plu de 180.000 "navigadours" chirì su chestes plates internet. An ruva ite sun la plata internet dla Rei zivica de Südtirol http://www.provinzia.bz.it/index_l.asp y sun chesta plata él spo l liam che ves conduj virtualmenter ti parcs naturai dla Ladinia a la miscion internet http://www.provinz.bz.it/natur/2803/parchi/fanes_ladin/default.htm. L raion dl Parch Natural Fanes-Senes-Braies se desten soura trei comuns ladins y l Parch Natural Puez-Odles tol ite raions de ben sies comuns anter la Val Badia y Gherdeina.
