benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L consei di ombolc - enfin a sen deguna convocazion ciamò
scrit ai 14 October 2004 da les 16:30:24 da noeles

Politica


Dolomitan y Ladinia é les does paroles clef

Al respon l vize-ombolt de Vich, Franco Ghetta

Franco GhettaLa debata pieda via da la Plata di Ladins sun l foliet Alto Adige con damané i ombolc dles valedes ladines cie che ei nen pensa dla proposta metuda sun meisa da Luis Durnwalder de mete su n consei di ombolc de dutes les valedes ladines va inant. La convocazion fova veduda dantfora anter otober 2004, ma enfin a ciamò ne él ju fora degun envit. La proposta á desche fondamenta la lege 482/99 che preveid la poscibelté de istituí n organism interprovinzial y interregional che sourantole la funzion de coliament anter desvalives realtés de na comunité de mendranza che viv sternuda sun deplú provinzies o regions. Franco Ghetta, vize ombolt de Vich te Fascia, respon enscì.



Co ves imagineise pa chest consei di ombolc? Cie mineise pa de podei fé de concret deberieda? Él volù o él demé azeté, da via che la proposta vegn da Durnwalder?”
Ghetta:
Coche chest consei di ombolc cialará fora ne savonse nia, ajache i ne nes on nia ciamò abiné. A mie avis él na proposta che pò se desmostré dret de utl. Al va debujegn de la mete a jì. An podarà mete man de rejoné de problems y de bujegns comuns a dutes nostes cinch valedes: l turism, l trafich ti paisc y sun i joufs y i aspec economics y culturai dla mendranza ladina. La cossa prinzipala é che al sie n coordinament razional y na valivanza de minonghes y de azions.

L’Union Generela di Ladins aràla pa na lerch te chest consei y podarála pa dì la sia tl ciamp dla comunicazion y dles ativités interladines desche zacan?
Ghetta:
‘L’Union Generela Ladina é sté n organism storich tla comunanza fasciana y nia demé. Al fossa n gran fal de ne la tò nia ite te chest cheder nuef. Ie me aode che al ne se trate nia demé de na ‘mossa politica’ y che i mudamenc ne se archite nia tl ciamp aministratif y politich dl raion dolomitan. L’Union Generela à da ester n trat d’union anter politica y dut chel che vegn aldò.

Chest comité podaràl pa avei n influs sun l problem dla unificazion di Ladins o restaràl n tabù? La bandiera unitara dla Generala vegnirála pa conscidreda ence a livel politich regional?
Ghetta:
Chilò méssen mete al luster la desferenzia de contegnù y de peis sozial che l’Union Generela à tl Trentin y te Südtirol. Plu damprò ai problems de orden cultural te nosta provinzia, n puech plu destacheda, fosc, per volei de sies politiches, te Südtirol. L’Union dess dantaldut arjonje n livel de autonomia y de “interdependenza” tl medem temp, chilò desche ilò.

Ciugn podessa pa ester i coliamenc anter les provinzies? Da olà mete man? Tl ciamp economich, y scolastich, de trasport, de turism y de sit on-line?
Ghetta:
Dolomitan y Ladinia é does paroles clef da adoré, sce al dess vegnì crié chest organism de coliament anter i ombolc dla Ladinia. Tl ciamp aministratif y donca tl mete ju i documenc, i ac de comun y chi papiers che vegnirà liec dal publich. L fascian é n lingaz vif che tol ite i neologisms di temps che muda. Jonté d'autres paroles nueves te nosta rejoneda é zenzauter n pont de forza per nosta identité culturala y donca politica.


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.362 seconc