benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

I ombolc de Cianacei y de Moena respon
scrit ai 30 September 2004 da les 20:18:11 da noeles

Politica


"I on n mudl de problems valifs"

Fernando Riz, ombolt da Cianacei y Riccardo Franceschetti ombolt de Moena, respon

Co ves imagineise pa chest consei? Cie penseise pa de podei fé de concret deberieda?

Fernando Riz, ombolt da Cianacei:  i savon ciamò puech entournvia chesta proposta che podessa ester, te n davegní nience tant dalonc, na soluzion utla souradut per l turism che tol ite dutes cater les valedes ladines. Sce chest consei se desmostrassa de ester zeche che pò tegní adum desferentes realités, azetassi la proposta, ne cialan nia da chi che ala vegn.

L ombolt de Moena, Riccardo Franceschetti ( (foto Agh da www.girovagandointrentino.it)

Riccardo Franceschetti, ombolt da Moena:  La chestion é ciamò truep tl'ombria, an é vegnus a savei zeche ciamò chesta asciuda per bocia de Mussner. A mie dit é l consei na cossa utla percie che ala daussessa crié n liam che reconjonj 4 valedes y trei regions, dut realtés con na gran vocazion turistica y donca con problems valifs: trasport publich y trafich, economia y nia danultima medems problems culturai y scolastics. Durnwalder á daurí la chestion y ie son dla minonga che ala daussessa vegní azeteda, sce veduda tl raion dolomitan.

 

 




Dess l Consei di Ombolc mené do la unificazion ladina?

Fernando Riz, ombolt da Cianacei:  Un di obietifs de chest organism á da ester chel de abiné adum la jent ladina: tl lingaz y tla vita da duc i dis. L comité di ombolc cogn resté n organism destaché da d'autres realités ajache sies competenzes é liedes al aspet sozio-linguistich y cultural dles cater valedes. I ne veide nia de bon uedl n sie jí ite tl ciamp politich regional, ajache la region á bele d'autres competenzes.

Riccardo Franceschetti, ombolt da Moena:  L comité di ombolc cognessa dé na spenta al projet dl'unificazion ladina, al dess souradut porté inant propostes. I l veide ence desche portaoursc dla jent ladina te n raion truep plu lerch tla region.

La Generela restarála te n piz?

Fernando Riz, ombolt da Cianacei: L consei di ombolc cognará semper s'empervalei dla forza y dl influs cultural dl'Union Generala ma chesta ultima ne á nia da jí ite tles chestions politiches che nasciará da chest consei nuef.

Riccardo Franceschetti, ombolt da Moena: Mie augure é che la Union Generela posse seghité chel laour de defendura de nosta mendranza y de porté inant la proposta de ti dé luster a nost lingaz y a nosta cultura.

Chest consei podarál pa influì sun l problem dl’unificazion dei Ladins? Ciugn podessa pa ester i coliamenc anter les provinzies, i ciamps olà laoré deberieda, viadelà de chel scolastich y cultural?

Fernando Riz, ombolt da Cianacei: Les cater valedes ladines y les trei provinzies á n mudl de problems valifs: l trafich dles stredes, l trasport publich tla sajon auta, la defendura dl ambient y e.i. Al cognará ester nost obietif i cialé fora duc, chirian de ciaté n pont de veduda valif. Crié tla scola y tl ciamp aministratif na rejoneda soula y n soul lingaz sará dret senester, ajache al é de gran desferenzies anter les valedes.

Riccardo Franceschetti, ombolt da Moena: L comité di ombolc cognessa dé na spenta al projet dl'unificazion ladina, ala dessa souradut porté inant propostes. I l veide ence desche portaoursc dla jent ladina te n raion truep plu lerch tla region. Apede na revijion dla chestion scolastica y culturala, él n grum de realtés da cialé fora: la maioura é chela dl trasport publich, ence tla sajon da d'invern: an messessa ruvé a na valivanza tles ofertes de trasport tres skibus, oláche dutes les valedes dá n servisc valif, l stravardament dl ambient, l saré su l trafich sun i joufs y e.i.


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.363 seconc