benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Les respostes dl ombolt da San Martin de Tor
scrit ai 28 September 2004 da les 09:11:15 da noeles

Politica


"Nos meton fora bele da trueps agn la bandiera ladina"

Pepi Dejaco: "Gonot végnel ence metú su na comiscion, sce an ne vuel fé nia!"

Co ves imagineise pa chest consei di ombolc? Cie mineise pa de podei fé de concret deberieda? Él volù o él demé azeté, davia che la proposta vegn da Durnwalder?
Per prum déssel vegnì definì avisa cie competenzes y cie dotazion finanziara che chest organ dess giaté y duc dess savei dampertfora, sce ai vuel arjonje valch deberieda o no. Gonot végnel ence metù su na comiscion o n gremium sce an ne vuel fé nia.
L ombolt de San Martin y obman dla Svp-ladina, Pepi Dejaco.



La Union Generala di Ladins: éla destineda a resté te n piz o àla la chance de ruvé laprò al 100%? Sia esperienza secolara de comunicazion y ativité interladina vegniràla reconesciuda y  te cie mesura pa?
Sce an vuel laoré deberieda per les tematiches ladines, spo messonse samben se lascé aconsié da persones espertes y da istituzions cualifichedes sciche i Istituc Culturai Ladins y chilò ne pòl nience mancé  l'esperienza y l savei dla Union di Ladins y de autres unions culturales.

Chest consei y l comité che vegnirà lité, podaràl mo avei n influs sun l problem dla unificazion di Ladins, sun la poscibelté de ruvé endò adum o restaràl l problem inant tabù? La bandiera unitara dla Generala podéssala pa vegní conscidreda ence a livel politich regional?
Per laoré é l Consei di ombolc dessegur massa gran. Chest consei dess dé les diretives programatiches, ma per dé esecuzion y ti sté do miec ai problems dla mendranza fajessi ie la proposta de n mender gremium - 1 per valeda y chest fossa ence "paritetich" (1 persona per Fodom y Ampez, 1 per Fascia, 1 per la Val Badia y 1 per Gherdeina), ajache sun 18 ombolc nen él 10 da Trent y Belun y demé 8 de Südtirol. I ombolc dess se abiné 1 o 2 iadesc al ann, mo l pice gremium esecutif deplù iadesc. Nos meton bele fora da trueps agn la bandira ladina adum a les autres (Tirol, europeica y taliana).

 
Ciun é pa l comportament dl consei di ombolc ti confronc dl lingaz unifiché, altamo tl ciamp aministratif? Ti Grijons él oramai na realté y chilò tles Dolomites nience da nominé ...
Ciun che sarà l comportament di ombolc sun l lingaz unifiché depen da la jent. Sce la popolazion se damana l lingaz unifiché saràl ence i ombolc che l sostegn. Sun l ciamp aministratif messaràl vegnì fat valch. 

 

Ciugn podessa pa ester i coliamenc concrec anter les provinzies? Da olà mete man? Samben jiràla naouta tl ciamp cultural y scolastich. Ciugn fossa pa i intervenc economics, de traspert, de turism, de sit on-line?
Desche prum vare méssel ester na colaborazion sun l ciamp cultural y scolastich. Sun l ciamp economich onse n ejempl de boniscima colaborazion tl Dolomiti Superski.

 

Ciuna é pa la posizion dl consei ti confronc dl finanziament di mass-media ladins? Vegnirà demé daidés valgugn?
Duc i mass-media mess vegnì sostegnus con criters ogetifs, ajache ai é la ousc dla mendranza.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.378 seconc