Prima y sëula garejeda cun la ciaspes te provinzia ie unida venciuda dal favorit danter i trëi campions dl mond Molinari, Fregona y Senoner à auzà . L specialist de ciaspes Antonio Molinari bat Marco Agostini che à fat si prima speriënza cun la ciaspes. Lucio Fregona che ova bele venciù l Extrem Marathon ie terzo y gran favorit per la cumbinazion. Danter l’ëiles vënc Lara Bonora de Riva del Garda dan Maria Canins. Hugo Senoner da Dorives ie l miëur dl Südtirol y nsci nce de chëi da tlo.

Cun -14°C ie n dumënia i gran campions y nce i concurënc dl tëmp liedes grejei cun la ciaspes sun Mont de Pana. Pernan che n ie muec ie i boni riesc jic danora a tré sun la raida de 5 km anjenieda dut ntëur cun nëif naturela. Sai Palusc fova Molinari, l campion dl mont de Civezzano, danora ma riesc dosssu ovel Marco Agostini (35 ani) che l ciaciova ora per la nëif frëida. Antonio Molinari à danterauter venciù doi campionac dl‘Europa cun la ciaspes y permò tl‘ultima pert dla garejeda al mustrà si cualiteies canche l ie stat bon de destaché l atlet brescian dla Val Camonica. L terzo post ti ie jit a Lucio Fregona, l campion dl mond de marcia su per mont. Ël se anjenia ca ala garejedes per l instà y ne ie perchël mo nia tan inant cun la preparazion. Ma per la garejeda da Urtijëi nchin sun la Sciorta de Saslonch ai 21 de setëmber, ulessa l atlet de Castelli di Monfumo - TV, che à bele 23 tituli taliani sun curona zënzauter dëfënder si prima posizion.

Maria Canins zapa inò sun l scialier
L jì cun la ciaspes porta la persona te n cuntat plu strënt cun la natura, n’idea che ti à plajù a Maria Canins. Ëila ie nce te Gherdëina stata danter la primes y à me messé se lascié bater dal’atleta de duathlon Lara Bonora che ie 24 ani plu jëuna. Terza danter l‘ëiles ie deventeda Fiorenza Mazzucchi.

Prim de Gherdëina y prim dl Südtirol
L miëur plazamënt de chëi dl Südtirol jit sun l cont dl urganisdëur Altletica Gherdëina. Hugo Senoner, deventà campion dl mond sun l Patscherkofel, se à dat ju cun l sport dla ciaspes y se à nsci nce tlassificà tla posizion de prestige. Per l atlet de 48 ani da Dorives iel n resultat de maruëia a bater na lingia de concurënc plu jëuni.

Garejeda agonistica di ëi

Garejeda agonistica dl‘ ëiles

Garejeda nia agonistica di ëi

Garejeda nia agonistica dl‘ëiles