benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Intervista a Benni Valentin
scrit ai 31 August 2004 da les 17:41:11 da noeles

Cultura

 

"Pazienza adóren pa ben cotanta!"

Intervista al tecnich Benni Valentin de Badia che á tout su les 15 cianties dl CD nuef "TeraDoloMitica" tl studio de registrazion Davide-Records a Badia - Intervista sourantouta da la USC

Jean Daniel Granruaz da La IlaEl enstes à tout su n CD dant  da doi agn dal titul “Lavabo oculos in montes”, n CD che é ju via tla Val Badia desche panins fresc. I rejonon de Benni Valentin (foto). En chi agn àl ence realisé n sie some: chel de laoré profescionalmenter con la mujiga. Al tol su cianties te sie studio de registrazion che à da mez ann encà na senta nueva a Pedraces. Benni Valentin s'à dagnora tout dlaorela dal auton dl ann passé encà a na moda che l CD dla Union Ciantautours Ladins (UCL) posse vegnì realisé endertura y a n bon livel. Sen ál sclut ju la registrazion y te chesta intervista nes dál n valgunes imprescions sun l laour de registrazion y sun la cualité dla produzion.



Jean Daniel Granruaz da La IlaL laour de registrazion é finalmenter ruvé. Te vost studio Davide-Records a Badia él sté chindesc grups che à tout su sia ciantia. Tant de temp, fadia y pazienza aste pa adoré?
Benni Valentin:
“Pazienza adoronse pa ben truepa, magari deplù con i grups che ruva per l prum iade te studio. Al é bele rie per n profescionist da cianté o da soné endertura sun una na registrazion; per n grup che fej demé una o does proes a l’edema él sovenz ciamò deplù problems con l acordé o soné endertura n strument.  Per l rest él pa ben i aparac nuefs y i locai aposta che fej garaté na registrazion. Dì messi che i m’é pa ben ence devertì con duc chisc musizisc'.”

Tia minonga y valutazion personala sun l resultat.
“Al n’é n pue de dutes les saoures: rock, pop, jazz, metal y de auter ciamò. N valgugn toc é dret originai. L projet é zenz’auter interessant.”

Te as abù da nen fé con musizisc'  y ciantarins che à bele na gran esperienza te studio de registrazion y con joegn che à fat empera l prum iade. Dl auter vers él da dì che i joegn é aldidancuei cotant plu inant co i joegn da  dant da diesc agn. Éla pa veir?
“Aih puh no no, plu inant de cie vers pa? Magari con l computer... da me enfora vuelel ester sacrifizes per deventé n bon musizist y chesta parola sprigoleia i joegn. Ie dije demé che talenc él dagnora sté: enlaouta y aldidancuei. Da me enfora végnel medré tant copié, da cianté y dantaldut tles melodies. I anunzieie demé dantaldut ambienc sciche starmania, hitchannel, hitparades... Al é da audì copies de copies de copies.”

Cie valuta y cie valour arateste pa che chest projet posse avei per chi che à tout pert, per la jent y la cultura ladina y per l svilup dla mujiga moderna ladina?
“Per la cultura ladina él dessegur n arichiment, enscì pòn bel plan ence se usé da audì plu sortes de mujiga moderna per ladin.”

Bel dilan, Benni y inant de bones registrazions!

Intervista: Iaco Rigo.



 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.438 seconc