benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

50 agn Cesa di Ladins a Urtijei
scrit ai 25 August 2004 da les 10:29:46 da noeles

Cultura

 

Durnwalder: la Cesa à na emportanza fondamentala per la mendranza ladina

Demé Luis Durnwalder dij valch de concret per cie che reverda l derturament - assessour y ombolc scouta

(u.c.)Nia demé Gherdeina, ma dutes les valedes ladines se enconforta n pue a la festa di 50 agn dla Cesa di Ladins da Urtijei. La storia dla cultura interladina peia via da chest fabricat. Al basta pensé che chilò él la senta dl sfuei dla Usc di Ladins, da chilò enfora é vegnudes enjignedes y manedes inant les prumes trasmiscions de radio ladin de Bulsan. La Cesa fej fora zenzauter l majer zenter cultural de Gherdeina, ma gran é ence l contribut che ala à dé al svilup dla coscienza interladina.

Les paroles plu cleres vegn da Durnwalder.



L president dla Generela, Nani Pellegrni, dij te sies paroles dantfora tl depliant sun la manifestazion che "La Cesa é dagnora steda daverta a duc i Ladins, enscì che Urtijei é deventé n luech de referiment per sentedes y encontedes dles Unions de val de duta la Ladinia". La cosicenza dla identité ladina é chersciuda chisc agn anter la populazion y chest veiden plu ti joegn che ti vedli. Propi per ti lascé plu lerch a les iniziatives di joegn vuelel ester sen n ampliament y na derturazion dla Cesa. Ma la politica arfera.
 
Liejan l depliant dé fora da l'Union di Ladins de Gherdeina persoura la manifestazion di 50 agn dla Cesa di Ladins auden souradut l gran laut che al vegn fat da les autorités y da d'autri esponenc dla bona colaborazion  che fova tres steda anter les unions che laora tla Cesa, colaorazion che duc se aoda che vae inant. Ma sce i protagonisc' dles ativités fates tla Cesa "s'embincia" n slargiament y na derturazion dla Cesa per podei laoré miec, ne auden degun ombolt o assessour provinzial che toche l problem dl finanziament. Demé Durnwalder va ite tl argoment y dà pro che "strutures desche la Cesa di Ladins é per na mendranza de na emportanza fondamentala y perchel pòn se aspeté zenzauter ence na sovenzion da pert dla provinzia, a condizion che al vegne mané ite n bilanz preventif dles speises con laprò n program concordé di finanziamenc". Chest vuel dí che l problem mess vegnì tout en discuscion da les aministrazions publiches y privates per arjonje plu debota che al é meso na soluzion deberieda. Ma enfin che an é dant da boces sclutes per i colours politics dla cossa, ne ruvarán inió y la Cesa restará desche ala é. Ala se trata de desbloché n bon iade l vedl freit politich-partitich y de cialé finalmenter al ben dla mendranza ladina y nia demé ai interesc de n partì de val. L dret problem é chest: desbloché i antagonisms y laoré adum fajan deberieda prescion sun la provinzia y les provinzies y sun i comuns per giaté l contribut finanziar che va de uega.

 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.418 seconc