benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L strit danter ladins storics y
scrit ai 13 January 2003 da les 13:26:05 da noeles

Cultura

 

Dut resta unfat desche denant 

Rie convive anter Ladins storics y neo-Ladins tl Beluneis

de Lorenzo Soratroi

L’ultima senteda dla Federazion dles Unions Ladines tla region dl Venet à desmostré ciamò n iade la vijion desfarenta dla ladinité anter i ladins “storics” y i “ nia storics“. Argoment da descore fora resté medem da n ann encà: la mudazion dl statut dla Federazion. Na comiscion metuda su per studié la tematica s’ova fermé te sie laour daviache l rapresentant di aconsiadours di ladins “nia storics”ova scrit al President Iji Menardi Malto de “retegnì che al ne sie nia plu les condizions per jì inant a descore de chest”.

Sul retrat: Fodom. Ladins y "pseudo(neo)-Ladins", le strit por i mesi finanziars. Chisc ultims vuel avei tres deplù.



Enlaouta ova i ot aconsiadours de Fodom, Col, Ampez, deberieda a chel autonom da la Rocia dezedù de clamè ite la Federazion per voté na proposta de mudazion al statut. En concret vegnìvel proponù che la Federazion fossa metuda adum da does sezions autonomes: da una na pert i ladins di trei comuns, a chi che ence la provinzia de Belum à entratant reconesciù na spezifizité storica desfarenta da dut l rest, y da l'autra pert dutes les realtés neo–ladines nueves. Vignuna dles does sezions essa la poscibilité de tò ite unions ladines nueves. L consei dla Federazion, tres aldo de chesta proposta, essa abù da ester metuda adum dai Presidenc y dai Vizepresidenc dles does sezions. Na proposta che dant da n ann vedova a una feter dut l consei, a pert chi da Alie y de Selva de Ciadoura, ma che encuei é vegnuda refudeda dai rapresentanc agordins, ciadorins y comelians con la viertola de volei empruma descore fora la chestion dla despartizion di finanziamenc regionai.

Na mudazion al orden dl di che l consei à refudè a maioranza, ma nia à jové per fè jì inant empò la discuscion soura la mudazion dl statut dla Federazion che pò vegnì mudé con la ousc a una de doi terc dl consei.
La discuscion é degenerada ence per via de certes posizions de valch aconsiadour, perauter tres i medems, che recorda cotan l model de n nuef Adel Smith. Nia ne à jové da pert di aconsiadours di trei comuns y dl President Iji Malto,de recordé che propi tla proposta dl statut nuef vegnel descorù dla chestion di finanziamenc regionai che, sce al ne vegn nia giaté na soluzion daite da la Federazion, vegnirà partis su con l arbitrat dla Region. Pesocia la posizion di autri aconsiadours che à enchinamai desprjié l operè dl assessour regional Maria Luisa Coppola con l afermé de ne avei deguna fidenza te sie operé. Na bela gran contradizion ti confronc dla Region, sce an pensa che tl medem temp, i medems rapresentanc dla Federazion  fej l diaul a cater per arjonje i finanziamenc che propi chest ent dà fora. La senteda s’à sclut ju con na votazion che à vedù a una nuef aconsiadours contra set tl voté la mudazion dl statut. Nia de fat, dut resta sciche dant, ence la despartizion di finanziamenc.


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 3.25
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: L strit danter ladins storics y (ponc: 1)
da travers ai 14 January 2003 da les 23:40:56
(Infos sun l utilisadour | Ti mané n messaje privat)
Na domanda ai ladins de Souramont: Cie pensa pa i ladins storics (y nia-storics) dl ladin standard? Tles valedes de Badia y Gherdeina végnel debatù con gran pascion de chest argoment ma zenza cialé cie che i ladins dles autres valedes en pensa. Na touta de posizion di fascians, fodoms, ampezans y ence di " neoladins" fossa n contribut dret utl per capì i criteres de autoidentificazion linguistica-culturala de nostes valedes.



Re: L strit danter ladins storics y (ponc: 1)
da giatfosch ai 21 January 2003 da les 10:06:20
(Infos sun l utilisadour | Ti mané n messaje privat)
pseudoladins, nia neo-ladins


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.374 seconc